¹ Paula na i apositolo i Karisito Jisu ena ''ewa ni Alou na noda i va'abula 'ei Karisito Jisu na noda i nuinui. ² Vei Timoci na luvequ dina 'e na va'abauta; na loloma savu na yaloloma 'ei na va'acegu ni Alou na Tamada 'ei Karisito Jisu na noda Turaga. ³ Me bau ga au ma ci'evi emudou,mudai ca'ava e na noqu i la'ola'o i Masitonia, mudou ti'oga i Efeso me rawa ni mudou taravi edra e so na tamata 'edra va'a vuvulita'ina ti'o e so na i va'avuvuli daci. ⁴ Dou 'ua viroga ni va'abauta na talanoa buli eso 'ei na i vola ni 'awabula balabalavu eso. I eni sa dau va'atubura na veiba ia, sa maqa e na i na'i ni Alou, o 'oya sa rawa ga e na va'abauta. ⁵ Ia na i na'i ni va'aro eni me na va'atu'bura na loloma sa vu dina mai na yalosavasava, mai na lewa e loma si'a 'ei na va'abauta dina. ⁶ 'Eso 'edra s agole tani mai na vei 'a eni, 'edra sa leva va'atawamacala 'e na veivosa'i lialia. ⁷ 'Edra sa dau si'ata me dra va'atavuvulita'ina na vunau ni Alou, ia, 'edra sa maqa mada ga ni 'ila na 'a 'edra vosata'ina se na vei'a edra sa vosa doudou'ina. ⁸ 'Eda sa 'ila ni sa 'a si'a na lawa e bau sa muri va'adodonu sara me bau na 'ena i valavala. ⁹ Sa dodonu me 'ilai ni sa maqa ni buli na lawa me baleti 'edra na tamata yalododonu, ia me baleti 'edra ga na dau basu lawa 'ei 'edra na dau va'acaca, o 'edra na tawa lotu 'ei 'edra na dauca'a ca, o 'edra sa maqa ni va'ayalo, o 'edra sa va'amatea na tamadra 'ei na tinadra, o 'edra na daulaba; ¹⁰ o'edra na dauveibuta'oci, o 'edra na dau veimo cevi va'atagane se va'ayalewa o eda na dauvesui edra na tamata me dra rawata 'ina na lamadra o 'edra na dau daci 'ei 'edra na dau vosa bubului daci, se ca'ava na vei a sa veisaqasaqa 'ei na va'avuvuli dina. ¹¹ Na i va'avuvuli eni sa 'unei ena kosipeli ni sa soli vei au me'u vunauta'ina i ena na i tu'utu'u si'a mai vei oya na Alou cecere qai do'ai. ¹² Au sa va'avinavina'a vei Karisito Jisu na noda Turaga , o 'oya sa solia vei au na kaukauwa me baleta na ca'aca'a eni, o 'oya sa nanuma ni'u sa yalodina qai digita'ini au e na ca'aca'a eni, ¹³ Au ma dau vosava'acaca, dau vei va'a matei, au dau tamata i tovo kaukauwa. Ia, sa soli vei au na loloma baleta na 'a au ma ca'ava, au ca'ava tu e na noqu lerai 'a ei na tawa va'abauta. ¹⁴ 'Ei na loloma sabu ni noda Turaga sa vuabale vata 'ei na va'abauta, vata 'ei na loloma sa mai vei Karisito Jisu. ¹⁵ Sa i 'oya eni na i tu'utu'u dina me siqomi qai va'adinati, ni s la'o mai vuravura o Karisito Jisu me va'abulai 'edra na tamata i valavala ca; O au na tamata i valavala ca levu duadua vei 'edra tauco'o. ¹⁶ Ia, sa yalololoma ga vei na Alou, sa qai va'araita'ina vei au o Karisito Jisu na titobu ni nona vosota va'atuwai voli mai na noqu bula ni s si'ata o 'oya me'u va'araita'i, me'u dusidusi vei 'edra sa va'abauti 'oya ni sa salevu i na bula tawamudu. ¹⁷ Me ro'ovi qa do'ai na Tui ni veitabagauna tauco'o, o 'oya e na maqa ni mate rawa se raici rawa e na mata va'atamata o 'oya na Alou e duadua ga, ia me va'acerecerei me tawamudu. Emini. ¹⁸ I Timoci na luvequ au sa va'ataqara vei i'o na i tavi eni 'ena vu'u ni vosa ni parofisai eso ma cavuti oti me baleti i'o, mo yalodina 'ina qai va'ayagata'ina me nomu i yaragi mo valu va'asi'a 'ina. ¹⁹ Mo tara matua na nomu va'abauta 'ei na lewa e loma si'a. Eso 'edra sa maqa ni dei va'arorogo i na nodra lewa e loma, sa yaco me va'acacani 'ina na no dra va'abauta. ²⁰ Sa bau eni o Imeneo 'ei Alekisada, au ma soli drau vei SEtani me rawa ni drau va'avulici me drau 'ua ni dauvosava'acaca.