¹ Ino tuzoomwaambila nzi? Kokuti tuzwidile muzibi mukati luse lwa Leza luvule loko? ² Chitakabi namuya, swebo twafwide mukuchita zibi? ³ Ino mbuli nutuzumanama kukala muli nchicho? ⁴ Twakazikwa, kuzwa awo, anguwe kwinda mukubabatizigwa muliu. Echi chakachitika munzila mukuti mbonya mbuli Kilistu mbwakabusiwa kuzwa kubafu, kwindila mulenu bwa tata, kokuti azwibo ningatwakonzya kwanda mubumi bupiya. ⁵ Nkambo kuti twaswanana anguwe muchikozyano cholufu, lwakwe, ape tuyoba anguwe mububuke bwakwe. ⁶ Tulichizi echi, kuti mundala wesu wakakankaminwa anguwe munzila yakuti mubili wechibi ukonzye kunyonyonwa. ⁷ Echi chakachitika mukuti tutabi limbi bazike baziyonyono. ⁸ Oyo wafwa wasalazigwa obulemu kuzibi kono kuti na twakafwa a Kilistu tulashoma kiti tuyopana antomwi anguwe. ⁹ Nkambo tulizi kuti Kilistu mbuli mbwabukide kuzwa kubafu, tachifwi ape; Lufu talu chimwendelezyi. ¹⁰ Nkambo kwelena akufwa wakafwide zibi, wakafwa chindi chomwi buyo. Nikuba namu bumi mbwapona, ubapa kuli Leza. ¹¹ Mbonya munzila yomwi buyo, anywebo mulifwide ku zibi, kono mulapona kuli Leza muli Kilistu Jesu. ¹² Nikuba namu mutalekeli chibi kwendelezya namibili yenu mukati mutobele bulala, bwawo. ¹³ Mutabesi bantu benu kukubisya, kuti babe zibesyo mukuchita zitaluleme komo amulipe kuli Leza mbuli abo baketwe kuzwa kulufu. Kuya kubumi, ape amubabelesye bantu benu kuli Leza mbuli zibalesyo zibelesigwa mukucita ziluleme. ¹⁴ Mutalekeli zibi kuti zimuzunde, nkambo nyebo tamwinsi unsi amulawo kono musi aluse. ¹⁵ Ninzi ape? Tubisye nankaba tatwinsi mumilawo, Kono muluse? Chitakabinamu. ¹⁶ Tamuzi kuti mwalyaba mbuli bazike, muli bazike kuloyo. Ngomuswilila? Namuli bazike bezinyonyono. Zitola kulufu, nabazike bobululami, butola kubululani. ¹⁷ Kono kulumba kube kuli Leza nkambo mwali ba zike bezinyonyono, kono mwakaswilila kuzwa kumoyo enjisyo yokwenikweni nzimwakepengwa. ¹⁸ Mwakalekelelwa kuzya, kuzibi, mwakaba bazike babululami. ¹⁹ Ndamba mbuli mwalumi nkambo kabutete bwe nyama yenu. Nkambo mbonyina buyo nkambo mbnya buyo mbumwakatondezya bantu benu mbuli ba zike, mukutasalala akutatobela mulawo, mukutalobelzya komulawo. Kwinda munila njonya, imo amutondezye bantu benu omuli bazike kukuchita zisalola ezyo zilulame. ²⁰ Kambo njimwali bazike bazibi mwakangununwa kuzwa kubululani. ²¹ Muli echiya, chindi, chizyalonzi mponya nchimwajesi kuzintu ezyo nzimusila ino awa? Nkambo chiyochilila kulezyo zintu ndufu. ²² Kono ino mbumwakangunuka kuzwa kuzibi ape okuba bazike ba Leza, mwabe echizyalo chabusalali. Bulumba mbuni buba tamani. ²³ Kambo bulumbu bwe cibi ndufu, kono cipo cha Leza mbumi butamani, muli Kilistu Jesu mwami wesu.