¹ Paulo muzike wa Jesu kilisitu,wakaikwa kuba mwa posito wakasalwa kumwaya mulumbe wa Leza, ² Ngakasyomezya kumatalikilo abasinsimi mumagwalo asalal, ³ Kujatilizya mwana wakwe wali muzikulu wa Davida kwindila kunyama. ⁴ Kwindila mumuya wobululami wakazubululwa enguzu kwitwa kuba mwana wa Leza mububuke kuzwa kubafu, Jesu kilisitu mwami wesu. ⁵ Kuzwa kulinguwe twakatambula luzyalo obwa positolo bokuswilila lusyomo akati kenyika yoonse, akambo kezina lyakwe. ⁶ Akati kenyika yoonse,mwakaitwa kuti muzulilwe kuli Jesu kilisitu. ⁷ Kulinyebo nonse nomuli mu Roma nomwakayandwa o Leza okwitwa kuti mube balulami:luzyalo kulinyebo olumuno kuzwa kuli leza tata wesu o Mwami Jesu kilisitu. ⁸ Kusanguna, ndalumbaizya Leza kwindila muli Jesu kilistu kuli nyebo nonse, kambo kolusyomo lyenu lwakaambwa munyika yonse. ⁹ Kambo Leza ngokamboni wangu, oyo ngobelekela mumuya omumulumbe womwana wakwe,mbuli mbwe mumyamba. ¹⁰ Ndilakumbila lyonse mukobyo kuti kufubwa nzila ndilakozya kuzwidilila kwindilila mukuyanda kwa Leza. ¹¹ Kambo ndayandisisya kumubona, kuti ndimipe zyipego zyamuya,kwindila mukumudiyisya. ¹² kokuti, ndikakozye kudiyisigwa akati kenu,mulusyomo lyenu nose,olwangu. ¹³ Mponyina siyandi kuti mutakazibisigwe,kubazyalwama ,kuti ndilayandisisya kuza kulinywebo(kono ndakakacilwa kusikila sunu), mukuti ndikajane butebuzi akati kenu,mbuli mbondajesi akati kabasimasi. ¹⁴ Ndime sikubweza mali kuli bama Giliki abamuzwakule, okuli bachejede aba fubafuba. ¹⁵ Kambo, mbuli mebo,ndililibambilide kumwaya mulumbe anwibo nomuli mu Roma. ¹⁶ Kambo sikwe soni kumulumbe,kambo ninguzu zyaleza zyiyofutulwa bantu bonse basyoma, kutalikila kuma Juda kusikila kuma Giliki. ¹⁷ Kambo muli Leza busalali bonse buyo yubununwa kuzwa kulusyomo o kulusyomo, mbulimbocakalembwa,'' basalali bayopona olusyomo.'' ¹⁸ Kambo bukali bwa Leza buzwa kujulu okunyemena bonse batali ba Leza abatasalali kwindila mukutasalala bajatilila kukasimpe. ¹⁹ Akambo kaka ezyo zizibikene zyaleza zilatondezyegwa kulimbabo. Kambo Leza wabatondezya. ²⁰ Mbulimakani akwe ataliboni, mbuli nguzu zyakwe zitamani obuLeza bwakwe,zyakaboneka kuzwa kumatalikilo enyika, muzintu zyakapangwa. mponya tazikwe matamizyo. ²¹ Kambo kokuti, nekuba kuti balimwizi Leza, tibalizi kumulumba kuti ngu Leza,nakupa kulimba. Pele bakafubala mumizezo yabo, mponya emiyeyo yamyoyo wabo wakasizigwa. ²² Balikulibonya mano,kono bakafubala. ²³ Bakacica bulemu bwa Leza butafwi kumuswanisya ecikozyanyo comuntu ufwa,ceziyuni,cabanyama bali amaulu one,ezintu zyansi. ²⁴ Mponya Leza wakabapa kwiindila mumicito yamyo yabo yokutasalala, kambo mibili yabo etakakakwi akati kabo. ²⁵ Mbambabo bakacinca masimpe a Leza kububeji, ape mbambabo bakakomba oku belekela zilengwa kwinda mulengi, oyo otembaulwa kutamani,acibe namuya. ²⁶ Akambo ka aka,Leza wakabapa luciso lufwisya manyeke, kambo banakazi bakacinca mibelekelo yabo okucilizya mibelekelo esofwazizye. ²⁷ Muzila iswana, baalumi ambabo bakacinca mibelekelo yabo abanakazi oku yandana mulicabo . Aba mbabalumi bakacita micito esesemya mucalumi oku tambula cisubulo celede mukulubizya kwabo. ²⁸ Kambo takwe nibakacizumizya kuba o Leza muluzibo lwabo, wakabapa kuzwa kumiyeyo etasalali, kuti bacite zintu zitalikabotu. ²⁹ Bakazuzikwizigwa okutasalala konse, busizibi, buyandisi, obuvuzi. Bazwide minyono,bujayi, businkondo, bubegi obu emiyeyo mibi. ³⁰ Bavuya ,basesemwe Leza, basimatusi,basikulitumpula, basikuliyanda, okupanga zila yokucita zib,tabakwelikute kubazyali . ³¹ Tabayeyi,tabakwelusyomo, myoyo mibi, okubula luzyolo. ³² Balamva milawo ya leza,kuti abo bacita zintu zili namu belelwa lufu. Kono tainsi kuti bazicita buyo, bala zumizya abo bazicita.