¹ Kuzwa kwezi zintu Nibazuwi chintu chikola sina linzwi ikando lyabantu bangi bena kwiwulu nibati, ''Haleluya, Impuluso, Ikanya,ni ziho zizwila kwe Ireeza wetu. ² Inkatulo,ni kuluka, linu cha atula Mahule bakando babali kusinyasinya inkanda chabusangu. Abahindite chakubozekeza cha malaha amuhikana wakwe, awo iye mwine abetikili kwali. ³ linu babawambi tobele: ''Haleluya! busi nibwazwilila kwali kuzwa kusena mamanimani.'' ⁴ Bakulwana bena makumi obele ni bone. Ni zibumbantu zone nibalibwikite kuzifateho ni balapela Ireeza yabekele achihuna. Bonse babakuta kuti, ''Ameni. Haleluya!'' ⁵ Linu linzwi nilyeza kuzwililila hachihuna, niliti, ''Kulumbwe Ireeza wetu, mubonse bahikana bakwe, inwe bamutiya,mubonse, basali, babutokwa ni benaziho.'' ⁶ Linu chinazuwa mulumo ubali kukola sina wabantu bangi bangi, sina kuchuma kwamenzi mangi, imi sina kupalakata kwe invula ilenga, bati ''Hallellujah! Mukuti Simwine ubusa, Ireeza yobusa hewulu lyazonse. ⁷ Twwende tusangalale ni kutaba hahulu imi mumuhe ikanya kakuli mukiti weseso lye Mbelele chiwasika, ni museswa chalibakanya. ⁸ Abazumininwa kuzwata zibenya ni boneka hande sina iline' (mukuti iline yakuluka izimanina bantu banjolola). ^{9 10} Iñiloi chilyati kangu, ''Ñole: Imbuyoti njiyabo basumpitwe kumukiti we nyalo lye Mbelel.'' Abawambi bulyo nikwangu, ''Aa njimanzwi abuniti a Ireeza.'' Nibali kokobezi habusu bwa matende akwe kumulapela, kono chati kwangu, ''Sanzi utendibulyo! Nizumwi muhikana uswana nawe imi bamukulwako bakwete bupaki kuamana ni Jesu. Mulapele Ireeza, mukuti bupaki kuaman ni Jesu muluhuho lwe chipolofita.'' ¹¹ Kuzwaho chinabona iwulu niliyaluka, imi chikwaboneka imbizi ituba. Yabakwichile hateni usumpwa yosepahala imi weniti. Kuluka kwakwe ni kuatulo kwakwe kushiyeme ni kulwa kwakwe. ¹² Menso akwe aswana sina lulimi lwa mulilo, imi hamutwi wakwe henamishukwe mingi. Wina izina liñoletwe hali kuti nangati umwina yolizi kono lizibitwe iyemwine. ¹³ Uzwete imbati libenikwa mumalaha, imi izina lyakwe lisumpwa Inzwi lye Ireeza. ¹⁴ Chisole chakwiwulu chiba mwichilile hembizi zituba, nibazwete zizabalo zalineni inahande, zituba ni kunjolola. ¹⁵ Mukati kakaholo kakwe chikwazwa mukwale ushengete mumambali onse uwo ubawisi chisi chonse, imi mwababuse chekoli yesipi. Njeye chatalyatole chilubilo chewane yebeine yabukali bwe Ireeza wina maata onse. ¹⁶ Wina izina liñoletwe hachapalo ni chilupi chakwe: ''Mubusi wa babusi ni Simwine uba simwine. ¹⁷ Chinabona Iñiloi lizimene mukamwi. Chilahuweleza chamuhuwo mukando wakusupa zizuni ziwuluka mwimbimbiyulu, ''Mwize, mukungane hamwina kamukiti mukando wa Ireeza. ¹⁸ Mwize zamulye mibili ibasimwine, mibili yabahitile chisole, mibili yendwalume, mibili ye mbizi ni batati bazo, imi ni mibili yabantu bonse, ni balukulwilwe ni bahikana, basena mubena ni bakolete. ¹⁹ Nibaboni chibatana ni basimwine benkanda ni masole babo. Babakungene nikulukisa inkondo naye yabakwichile hembelesa, ni masole bakwe. ²⁰ Chibatana chibahapwa imi naye mupolofita wamapa yabakupanga imakazo habusu bwakwe. Chechi chisupo chachengelela abo babatambuli inombolo ya chibatana imi nikulapela chibumbantu. Bobele kubali nichibasohelwe nibahala mwiziba lyamulilo wasulufula. ²¹ Bungi bwabo babehayiwa chilumo libakuzwa mumulomo wozo abakabutiza indonki. Zizuni zonse zibali mibili yabo ibafwile.