¹ De enji anyi Kristu to kore alu ga ra, kulee dubasi anyindu nga ore kare Kristu a rire ga di anda Rubanga di nig a ri ‘i. ² Anyi’ba anya asi nga ru’buge ri ni ga, anyi’ba anya lara nga vu dige ri ni ga ayo ku. ³ A’dusi anda anyoda ra, ti diadu lidi anyo adizo ile zuru Kristu to Rubanga ni a ga ⁴ Anya lidi gba ri Kristu ‘i. De Kristu kumu ketende ni, anyi saa anyivo anyete’deru Andaa to yayi Andaa di rig a. ⁵ ‘Disidu kulee anyi’di abiri tuwadu vu dir a, owu, asa, recandika nga ego ri si, ongu abiri nga injwi ri di ‘i, pi lara injwi dinja di ‘i, pi ‘a mgbo limi dii, viru vi ori injwi ri ri ruka to.6 ⁶ Anga Rubanga di kemu ‘ba Andaa le’jo ri er’iba ku ri a vuga nga ovi ileni ri pi si. ⁷ Lidi anda anya adizo eze ri anyadi nga ovi ileni ri pi ni aga. ⁸ Ti diadu kulee anye’be a’I tuwadu ra pi i ‘a ngala, asi uka, asi injwi, la’da la’da, pi lo’jo’jo dinja di akeri ku efurega anya ti ga si ⁹ Anyulunjwa ru anyini ku, a’dusiku anye’be lidi oku ri ra ovi andaa di to tuwadu, ¹⁰ pi anyisu mo’di u’di ile ra, andaa ni Opi Rubanga kelebee leni u’di si dudu kolougwiru Andaa ero gba ri ri ga. ¹¹ Laka ile’dia larapika iyo Girigia lele ga Yudaya’ba to, mo’di lile ra pi mo’di lile kuru ri to,’ba juru lerem’ba kwa kuru pi ti ni ‘ba ku, pi juru lesi’ba vule ambamba le’jo vu di nig a ri pi, Opi, ‘ba rdi mgbo to ruzwam’ba a’i a nga si ri oi, a’dusiku Kristu emu a’I tuwadu ongu kolu a’I a ‘aga tuwadu. ¹² Ti anyni ‘ba Rubanga ovile ra r’u, ‘ba ole Rubanga olele ndo r’u, ‘disi kulee anyulusu asi ku’ba anyiradu icandi ‘ba zi’ba anyidi di du, anyolu ‘ba kiza ed’ba ri pi’i. ¹³ Anyepi anya asi anyi anyini, mo’di alu alu kepi asi andaa rezi a ruge, ougu anyede kiza anyianyini anya enji si. De mo’di zi anya lelega le’jo to rezi a ruge, enji e’beka kulee aa ovidu anda Opi a kiza edezo anyini ri a ni. ¹⁴ Ti lagare pi r’u kulee anyiga lale si. A’dusiku lale kombe nga tuwadu kare aluga kede opko. ¹⁵ Anye’be i’bwe Kristo di anda anyini lungwere ru alu ga ri kuzwa anya a si ni, keb’edu anyolu ‘ba anjo ke’ba saa tuwadu si r’u ¹⁶ Onye’be le’jo Kristu di kolu anya ‘aga de, de anyeleniru, anyembaru anya nga si anyi anyini cirri tuwadu Rubanga akde anyini ri si. Ongu saa anyingo longo Sauma di longo zi’ba Rubanga ni ecuzo ro to, pi longu zi’ba lelegi di to, anyingo longo Rubanga ni asi i’bwe to. ¹⁷ Nga tuwadu anya edele ri, de lo’jo’jo si deku i’bu si, anyde tuwadu Opi Yesu Kristu arusi, anyike anjo Rubanga ni Andaa ru si. ¹⁸ Anyiuku, anyikeru anya nga si anya ago a cara ri ga, a’dusiku ‘di nga loso ri’i ‘ba Opi ri ni. ¹⁹ Anyi ago saa, anyile anya uku, anyolu ‘angala to ku a’ia rug e. ²⁰ Anyi ‘bonji, anyeri ‘ba anyini oti’ba ri lejo tuwadu aga, a’dusi ‘di kuke anjo Opi ri. ²¹ Anyi oti’ba saa, anyi’ba olu ni opko anya ‘bonji ruge ku, ku’ba asi na pi kudi lojwa ku. ²² Anyi i’bu’ba, kulee anyeri anya amba vu diga ‘dia ri nga tuwadu aga asi ali si, i’bu edeka ‘ba ni mi si ku, kusa ‘ba ni asi e’bweka papala si, ti anyede i’bu Opi ni orika si, ²³ I’bu tuwadu anya edele ri anyede loso asi tuwadu si, kende anyedee Opi ni ani, ‘basi ku. ²⁴ kulee anyini a’jo anyivo anyesu nga tuwadu anda Opi a o’bale Andaa ‘b ni ai’a dide du. Anyi id’bu’ba Opi amadi Kristu di’i. ²⁵ Mo’di nga injiwi edere ri avo alokwee nga injwi andaa edele ri si, a’dusiku Opi ‘ba ni lele ku.