¹ Maa ‘booji, macwi waraga ‘di anyini dudu anyi’de aga ku, ti de ma'di zi kede enji ra, amani mo'di edere amasi ama ni elokore ga aa Rubanga Ata andaa ga. Andaa ni Yesu Kristu ni ovi anda r'i. ² Ongu Andaa ni gba ri Andaa nga si olu bilo ngwa azile Rubanga ni ama enji si r'u, te enji amadi si ku ti enji 'ba vu dige tuwadu ri di si. ³ Nga e'detere aj'o amani Andaa ni ra ri Andaa cara ri vu okika. ⁴ Mo'di 'jore anda ni Andaa ni ra ti oko Andaa cara ni vu kuri enjo, le'jo gba ri andaa 'aga iyo. ⁵ Ti mo'di Andaa le'jo ni vu okore gba gbadu lale mo'di iledi aa Rubanga ruge atere r'i. Le'jo 'disi amate nikana gbadu a'jo ama Andaa ni 'aga. ⁶ Mo'di 'jore a'jo andaa ni Andaa , aga ridubasi lekoko lidi loso ovi Yesu a oluzo ri a vu'i. ⁷ Maa rozi, macui amyini cara zi u'di na ku, ti cara oku anda auya oluzo to du vu a re'douga r'i. Cara oku ile le'jo anya erile ra ile 'i, ngele anyini ra ile 'i. ⁸ Kesu ileni saa, macui anyini cara u'di,ile gba Kristu oli lele si pi anyidi lele si saa, a'dusiku vu ini kaca acaa, pi itu gba ri e'do vu 'jika ra. ⁹ Mo'di 'jore andaa ni ingwe aga ti le adozi ri ku, kesuo andaa ni adi vu ini aga. ¹⁰ Mo'di adozi ni lere kolu ingwe aga, laka nga zi 'bare ba ku'de du enji aga na iyo. ¹¹ Ti mo'di adoi ni lere ku ri adi kalawer vu ini aga, ni ku kare andaa kunu laka r'i, adusi vu ini lu'bu andaa ni cwi. ¹² Ma cwi waraga 'di anyini, anyi 'bouji ciri, a'dusi e'de anya enji ra Andaa ru si. ¹³ Ma cwia anyini saa, anyi ata, a'dusi anyini mo'di ada eze si aa vu ni ti re'donga. Ma cwia anyini, a'dusi anyigwa mo'di injwi ile ra. ¹⁴ Ma cwia anyini anyi 'binji, adusi anyini Ata ni ra. Ma cwia anyini anyi ata, a'dusi anyini mo'di andaa aa e'doru vu ri ti a re'donga. Ma cwia anyini, anyi yayi, a'dusi anyi opko, le'jo Rubanga oli kolu anyo 'a ga, ongu saa anyigwa mo'di injwi ile ra. ¹⁵ Anyile vu ku, kesu uga vu aga r'i saa. De mo'di kule vu ayo, kesuo lale Rubanga di 'a na ni aga iyo. ¹⁶ A'dusuku nga tuwadu vu aga ri, kende vico ama ru di ama ni tizo to ri ani, pi vico injwi nga amadele ama ni si ri, ongu recuka nga amadi aa ama lidi ri ga re si, nga ovi 'dini 'di pi enga Ata di si ku, ti e'doruk'u vu dige 'dia. ¹⁷ Vu koloko andaa vico to tuwadu ra, ti mo'di nga Rubanga a lele ayo ri ri edere ri kolu tadu. ¹⁸ Maa 'bonji, 'di diadu vu ri ti a lokoka. Anda a'jo anyini, ovire Kristu da kurucu kemu ra, ti diadu ovi'ba Kristu di evoki yaya du; 'di nga e'bere amaniye a'jo 'di andaa ni saa vu ni ti a lokozo ri'i. ¹⁹ A'i nga k'u pi amadi si, a'dusiku esu andaa a'i 'ba amato r'u ku; kesu anda a'i 'ba amadi'i tebe 'dii enjaruk'u olure ga kare oluga amato ti ngaki pi amadi si dudu ke'dete ru kare ingwe aga a'jo a'i tuwadu 'ba amadi'i ku. ²⁰ Ti anyi'i, mo'di Oleri efu anyi odu si ra, anyi tuwadu anyini nga ra. ²¹ Ma cwi waraga 'di anyini anya nga gba ri ri kakusi ku, an'dusiku anyini ra, ongu anjuri loso du a'jo enjo zi engare le'jo gba aga na iyo. ²² A'di ni enjo ni? mo'di enjo ri mo'di gare imgbe a'jo Yesu ni Kristu ni Rubanga a ovile ri'i ku. Ile ayo andaa ni avire Kristu di'i, esuo andaa ga Ata pi Ngwa to imgbe. ²³ Mo'di iyo Ngwa gare mure olure Ata to na 'i. Mo'di ngwa ri a'ire ra ri kolu saa Ata to. ²⁴ Anye'be le'jo anya erile anda eze ile kolu anya 'aga. De le'jo anya erile ezeile kolu anya 'aga, anyi saa anyivo anyolu Ngwa 'aga pi Ata 'aga. ²⁵ Di nga Andaa ecarale kele amani r'i andaa ni lidi lokoreku ri'i. ²⁶ Ma cwi nga 'di anyini 'ba le'ba anyini legwere ri si. ²⁷ Ti anyini, odu. Endi ole ri di anda Kristu anyini efuzo ri kolu anya 'aga ke'be leruku mo'di zi ni anyini leni zo le'jo tuwadu si. Andaa ni nga gba ri'i, enjo laka iyo, ovidu Andaa anyini leuizo ri aui, anyolu Andaa 'aga. ²⁸ Diadu 'ba, maa 'bonji, anyolu Andaa 'aga, e'bedu de Andaa kurucu kelende ni saa, anyolu du asi opko to, dinja mu ko du anyi ku Andaa engwi nga. ²⁹ De anyi ni ra ado Andaa ovi anda, kulee anyini losdu a'jo mo'di alu alu nga anda ri ni edere ri kesu Rubanga ti anda ri ni.