¹ Diadu male amai anyini lazi anya zile warega gar ii i. Anyizi di loso de Modi kudu izi ku na i ya? ² Ande rii Modi izi anda di to wale ago anda di to rii kwe andzi asa di ni ga ku ³ ago pi uku to kule aikiru de ai aijoga ni i ⁴ Izi anadani ago dii i anda ni ni ku ago sa andani anda izi di andani anda nga si ku. ⁵ Modi alu alu kugaru rezini ku ile de sa anyini ilegi zo rii sile anyikwe saw a ilegizo i. Ile kube satani ni lubi zwa anya moriko. ⁶ Lakini ma ra ga ngadi male kederu ni, mani ku de Opi kujo adu lakai. ⁷ Maraniga male anyolu kwele madi ani, lakini ubanga ke bani kwe mbi mbi sa i. ⁸ Di ma ikonyi i ba rudu ka kuru rii pi ni awizi to rii. Kule anyolu adite ma oluzo rii ani ⁹ Ki de yimba nyaru ni ta pw emo andaga ladu to. Adosiku andani ani loso modini ladu zwa modi ni asi kolu nya rurere ladu ga i. ¹⁰ Majoo kule ba rudukara rii kolu alu, ile nga ama Opia lenile ngasi rii i. ¹¹ Izi anda ago ni ebere ra rii kulee kolu adite. De anda aniku kulee kungwi ago ni oku rii di. Ago sa kule kebe anda izi ni ku. ¹² Ngazi manile ran a iyo Opia jole ladu gar rii? Nga ma idelewa rii make anyini ma ra adite rii awo. De nya izi ni Modi Yesu evuni kore ku rii de air a anda kolu nyito ebe andani kolu akudu ku. ¹³ De nyago ni Modi aiaga rii ku lakini ai anda kolu nyito akuga anda ni ku. ¹⁴ De nya Izi kusa nyago ni Modi aiagarii ku elo anda ni okole anya ladu ile si. Ile sa eco nya borondzi kwici okole, anyimba airanga nga indwi rii niaga si Rubanga andaga i. ¹⁵ Di nya ago kusa nya izi ni modi aiaga rii ku le ada kebe nyi anya aisi ibe andani kumu. Adosiku nga anyi emure na iyo. Rubanga lupenyi le anyolu ibe si. ¹⁶ Nani di nyinia ingeni memu nyejo Modi ile karariru wa i de andani Modi lai ako rii na i? ¹⁷ Aklesia kweciga majo babi koluki Opi ai lungwejo rii ani. Yesu ama Opi lupe ai ni Rubanga lungwe ai olule andani. Diadu masa majo nga alu alu rii anyi awo. ¹⁸ Di ali nyidiadu ra olu ile ani de ali nyi kuru ba akuli nyiku ¹⁹ De akuli nyira wale akulinyi kira ni nga ndza rii ku. Nga lagere pi rii Rubanga acara orika i. ²⁰ Kule aceru ku olu ile nyi lungwezo rii ani ²¹ Di nyi opigo ya? Ba ile kuke nyini asi lojwa ku. Di nyesu nya dembo wa zi awo. ²² Sa Opi opigo lupere rii evoku ba dimbo to rii i. De lupe ba dimbo rii evuki ai opigo Yesu dii i. ²³ Rubanga lukwe nya mori ra kule akolu opigo Modi zi, dii idi sa ku. ²⁴ Olu Rubanga nyi lupezorii ani. ²⁵ Maniku alusa ku nya ba ruduka kuru rii adilega i Opi ajule rii. Lakini majo anyini ma ra i. Meginia anyere ma ra adosiku nga Rubanga edele mani loso ru si. ²⁶ Amavu diadu sa opkwo rii inagaa si, Modi loso ree modi kolu diadu sa andani laka rii ni ga. ²⁷ Di nyidure ra abeku de nyedu kuru loso rii olu nyini izi ako ²⁸ Andani indziku izi duka i, nyile ra mu andoga ladu to i. kesu nyidu kuru sa i. Lakini ba uku to rii ni lejo ambamba. Male amamba anyenga lejo ileniaga si i. ²⁹ Madundzi yesule kengwe ireangwa du, de nyi izi to male nyi izi ako ede nga ku. ³⁰ Kuvruvi diado ole nyawo owu wale nyigunga ga a i, de nyike nga pi de nyide nga alusa iyo sa i. ³¹ Ba nga vudiga dia rii ebwe rini odoru kende ai kebu vudi twadu ku. Vudi nga aru rii to olu ba ku, vudi ire kemu ande ti lokore sa. ³² Make anyolu ori ako. Ba uku duka kuru rii kuba asi lejo Rubanga ana Opi dirri edere duda kuke andzo andani. ³³ Ba uku du kara rii kuba bi nga vudiga rii niga pi nga kebwe ani uku ni aside rii niga. ³⁴ Lanjwa duni. Izi udure kuru rii, ole izi ago nire kuru rii kuba asi Opi alejo niga, kule anda kuba anda ru nokole end endi to. Lakini izi ago to rii kuba bi lejo vidiga rii niga pi nga kebwe anda ago asi di ga rii niga. ³⁵ Majo nga ile dudu kekonyi anyi i. lejo majole ile dudu kemba anyi anya leti ni ga ku. Nga majole ile nga anda rii i. Dudu anyiba bi lejo opidini ga rekala ka ako. ³⁶ De Modi kunde anda rozi ni lasu aiga, ungu anda Kenya muda ndza kule kede nga anda asiga rii. Ladu ni endzi ku, kale kaduki ru. ³⁷ De modi ile asi na opkwo, ngazi anda nib a azi lajwa ga iyo, kumba anda runi ta wa le anda rozi ile kolu zangwa ago bire kwa rii kale kede adani asiga rin ani. ³⁸ Modi anda rozi dure ede loso. Lakini modi lupe and kkaduru ko rii enda loso daku.