¹ A iyta modi oloro amud wena regenyo eleni nodo lokikona nolii oja seku. ² Modi alobe kegeny ri oddo nga leebithi onyonya, azze kiru alla oloro amud wena eleni konya te oka ne anyo ebaby ro. ³ Modi alobena oloro kanya nga ne onya leebithina eleni oggo kodo modi alobena oloro anyaku eleni nimenaku; angwi modi alobena oloro anya nga leebithikuna eleni oggo kodo modi alobena oloro konyonya eleni ni lokiko noliiku. Kobwo orri a iy (akkah) awe oho. ⁴ Ya kiru me adi da, me oloro nolii lokiki modi alla ri opeogo rina ne na eleni? Lokiko eleni awery rinne natha ri andanda wo eyab lago keddeldeh eyabo kododeh. Ama achobo eleh andu kowe lago keddedeh. ⁵ Modi alobe ouswa oddo acho deya abobe kopeh inee alla ne opeh. Kiru angwi rouswa alla kojo oddo inee leebithi acho iurapa (ser). Ikweta didi kutha ududu awena. ⁶ Oloro kimeh ri inee ne imeh na, acho kiru kimeh ri inee napa ne rimba natha ni wo, anywi kiru oloro konyonya ne, acho konyonya ne rimba natha napa ni wo, kobwo lago kukwe ri piapia ne orri ni. ⁷ Konwo aah ra ilia aary alla olow olow awery ri ruw rina seku. ⁸ Kobwo eya aah akolow, aah akolow rimba natha ni wo, angwi eya aah akududa wo, aah akudda rimba natha napa ni wo. Kiru eya aah akududa wo, aah akududa wo, acho deya aah rimba natha napa wo. ⁹ Kobwo achobo ari napa eleni khristho odda dise azze angwi keanji odda ri oduba lidyka eleki pi ro leebithi. ¹⁰ Ama me, rina ne, ya kiru me nolii adiki ri lokiko ne aduda? Anyi angwi me napa ini, me nimena ri adiki napa aduda? Kobwo achobo eleh andu aah leebithi akeddeh lokiko napa orri ri ithethena kana nane ri anda wo. ¹¹ Kobwo easu andda riwrozo nini oddo, “Easu ma ri adyzo nini,” eleni rimba natha kojo ne oddo, “achobo eleh andu anya kappa eleki leebithi oso ma ni anyo bouwa, angwi leada kappa eleki leebithi eleh andu kifufura ri orri ne anyo wo.” ¹² Kiru eleni raw o, aah eleki leebithi eleh andu didi kokwe awery ruw ne orri ni olwale wo. Modi oloro yeyena amudwena enna aka anyi beya kodo odehku ¹³ Kiru eleni raw o, nado okwe aah akodo lokiki nolii aary ni guwo, ama kombo akiluludi ta eleni oddo, modi kodo okwe adding a kodo oliaku eyabo kodo iragaku. ¹⁴ Achobo ma anne kale oho, oddo nga alla adi onjo awery ruwku. Tel ago oloro keyeye ri oddo nga leebithi kolow ronjo sena eleni, kobwo lago rana oddo nga onjo ri oho. ¹⁵ Eya kiru lofodeh koru adiki ne onya me ri onya kana eleni se wo, ya acho deya me nawaway riyie niahku. Kiru nodo imwo modi, eleni ro me ri onya napa eleni seku kobwo khristho odda awery kiwse. ¹⁶ Elni ra nga nintha ammiri eyeye kana eleni nodo akka odo onga easu injwi niniku. ¹⁷ Kobwo opopi orri rina nane onya ri kiw seku angwi ombu ri kiw seku, ama thokithoki ri kiw se anyo, moth ro azee lonya oyuru naggwy niah r inane. ¹⁸ Kobwo modi oloro konga eabu ne khristho ni leathy napa eleni ra orri kaiy ri aiy anywi banny akkah oho. ¹⁹ Kiru ilia wo, ikweta akimeh nga motho rika ri buanyo anyi beyo kodwe aah ofo nalobe. ²⁰ Nodah imwo orri ri eabu ro kobwo onya ri kiw se. nga leebithi eaba niah kagagawy, ama nga kappa injwika modi oloro konya azze kokw lago kiroga toh eleni ni. ²¹ Eya inya izzaku inthana, angwi nodo iwa nombuku, eyabo nga alla oloro netho ri adiki dise anyi kiroga nodo okweku. Regeny me raw o, ²² Rwe me ri agaga orri ro. Modi oloro adi imwo awery ruw roku nga awery akkah kana nane se acho iburuki kale oho. ²³ Oloro kiluludi ri ilulud ina eleni kiru imwo lago ro kale bwo eya lago onya ohona, kobwo eleni regeny ri lele seku. Azze kiru nga oduba regeny ri lele sekuka eleki rossu.