¹ Ammi leebithi andu nolow rinne ri b’annyruku, adiimaa, kobwo ammi nonone oddo aah rinneb’a eleki eleh andu kolii ari ne (putheh ne) oloro kopeh b’anny alokwa rika ne. ² Kobwo aah leebithi akod’od’eh lao aliru aiow nab’i se. Eya d’id’i alobe od’d’eku rovwe’se (e’jo’se), lago mod’i agona nethoki, kejejo awery niruruka. ³ Elenini eya aah akob’a ingwe ku’sa kappa ri thyio kobwo anyi lob’a korow aah arow, aah aggo angwi akenna ri lob’a ri ruw ne pye. ⁴ Awe kolow roggo kappa ro ‘ser: ju eyeye ri api ne babanyaka azze lowiwindi namba ge koyo ri oyo, lob’a kufufu ri ib’ob’o niked’ingutie ‘se ofo od’ub’a ada natha (azee natha) ri od’ia od’d’eh aka kaki ra. ⁵ Leathy napa ra leada buluka ne ked’I k’pinya (kokoh) ukeh nihhumogo kogwe adad’o. ⁶ Leada angwi o’ssi. Awe kolow bulukaru ne aary agaga (aary ruwo) e’su milili ri ros’suzo nini, ogga thoo ruwo pye azze kob’b’a olow aary aduzo ini ne assiawo,awe ob’b’a awery ruw assia ne kamud’a nyomo ’se (Gehenna). ⁷ Kobwo anyokwa iffu kana aryi ro oddanguru ing’a rina ro azze iffu kana mearyia, kid’ed’enya ri id’ed’enya azze id’ed’enya mod’i ri kaka ‘se oho, ⁸ ama mod’i id’ed’enya leada d’oku. Awe rina ne injwi oloro ovu d’oku, ogga thoo ofo oddazo nane ra (odda rina nane ra). ⁹ Awe ‘se aah akib’uruki ri o’ssi ne Atha ro, angwi awe ‘se aah akoguw b’anny od’uba ob’b’a kede esu orri nikika eleki ne kale. ¹⁰ Rib’uruki napa keaki thye napa ra lele ‘se (thye napa lele ‘se rib’uruki napa keaki aka) aguw ro. Eleki ‘sona kodo olow eleku (kondu olow eleku), adiimaa (mari adii). ¹¹ Ya iyi napa rim ii opeeri oho iyi ne quliquli pi ang’akaro koguri d’ise (kochochu d’ise) d’ed’eh? ¹² Ya ng’osob’we ri kwy, adiimaa, kob’b’a ng’losob’we ri o a ne ob’b’are, eyabo iwa ri kwy kob’b’a olive ri ika ne ob’b’a re? iyi nang’a othee iyi ne quliquliku. ¹³ Ad’i ammi niah miilomoba ne angwi kicha ri be ne tho ne re? Thi lago kenna awery eb’u kappa olow nintha lele ‘se thomud’o ro niah oloro keaki miilomba lele ‘se. ¹⁴ Ama eya ammi ri ngu ang’ana angwi niwiwa ri ruw ne ammi ri a’sidio, nodo wod’ia nuwuweka anyi beya nodo olow lodo ‘seku thokithoki ni. ¹⁵ Miilomba eleni ri kaka adi eaki bouwa ororou lele ‘seku ama eleni bouwa, oyuru ako, injwina. ¹⁶ Kobwo ofo oloro eya otha aka angwi ruw niwa aka, rocha eleh aka angwi owowe ninjwi leebithi eleh aka (eb’u ninjwi leebithi eleh aka walewale ninjwi leebithi eleh aka mbombo leethithi eleh aka). ¹⁷ Ama miilomba ororou ri lele ‘se athii quer eleki ni leebithi, kawo ri motho ro, thomud’o ro, rinyopa ro, rimena ako, angwi lodo ako. ¹⁸ Azze oka (o a) thokithoki rina kiru osso motho niah wo api od’ub’a motho ned’eeb’a eleki ni.