¹ Yakobo opio go ori ri angwi Yesu Kristo ri, kovo kaka muduri imbi ri o’du’ba ara’ba naki ni: injota! ² Nde libedi mini adhu ro, mari adi, iye nesu chandire ‘dute ‘dute miri ruwo. ³ Kwe ini odo miri oka adhu ri kokwe me nolu ombaru ⁴ Kwe re bi kiko awiri e’bu ani mi imba tetwe, ondu nga ala ku. ⁵ Iya amiri ala ki ‘dakari milomba ni, kwe lago kozi ori ra lelesi. ⁶ Kwe awi kozi reyono si, nondu iyono ku. Iya mo’di ala kaka kala, awi kede esu lowi windi golo ni’a ri oluru ole oli si angwi ka chara cha. ⁷ Mo’di nani sona iyeye ku odo awi andu ka’iru nga alukwa ori ra lelesi. ⁸ Modi esu leni nini awi dhi ri ri, awi ede edhere ku (Nga la ngala). ⁹ Ba ‘adi oluru ki rewaa ru ni, awi ri ofo oluru oru na, ti arinyo ri modi awiri ofo, ko gbo awi andw ko da kale esu ofu ayi ni’a ri. ¹⁰ Ti mo’di oluru arinyo awiri ofo e’bu ri, azi awi ko da esu ofo ayi ni’a. ¹¹ iya dhekele ri efu si emego ogweru azi ki ‘dwe ova nani si, arinyor ri mo’di kase agaga awiri / edhio ¹² Lonyi kolo mo’di oluru ebi oka’o ni. Iya wai ozwa oka’o, awi kairu lokulwa adhu ri ni. Oluru aka ‘bani o’du’ba iye ori’o. ¹³ Mo’di ala kondu ocho ku odo, “oka ma’o oka ori si,” kogbo ori oka injwi si ku ongwi awi lepena oka mo’di ala ku. ¹⁴ Kogbo mo’di oka awiri o’dya si, oluru kozi awini kala angwi. ¹⁵ Kiru iya arinyoro ke ziru injwi ni, azi ke ziru injwi ni, azi iya injwi omba agwiru, azi keziru oda ni. ¹⁶ Nondu ru noyi ku imumuluka ku mari adema oluru reyele. ¹⁷ Okwe dute dute oluru inthanka angwi okwe oluru intharu twe (thoki) keki oru lelesi. Keki buwa atha ofo lelesi. Awisi rufu kewe angw indi kogbo rufusi. ¹⁸ Ori ebe ani kokwe ani othe ari ni thoki si, ani a kolu o’a athi ri kaga ri li oluru awi e’dwe ni. ¹⁹ Kwe ‘bani li kolu ti reriya, ari nogale kwe. ²⁰ Mo’di ri otha onga ori ri agwe ku. ²¹ Iya le izi ta kale injwi li kale. A’i ari re gingwi oluru nepa ni lokari miri ovi ni. ²² Iwe ta ori ri e’bu nondu, ti ori ri ari ne ri ku, ni mumuluka amiri ru ni. ²³ Iya modi ala ke rirw ori ri ari ni azi owe ku, kede esu mo’di oluru konde awiri ovi ni mila mila ni’a. ²⁴ Awi konde awiri ovi ni azi ki nyonga kasa awri ovi ke’ywe a’da’du. ²⁵ Ti ‘Bani o’du’ba konde indharu ori ri kakuku azo kowe ile, awi rerewa remo’di ku olur kasasa, modi le ni ilonyi awri owewe. ²⁶ Iya mo’di ala iyeye odo awi ori ri mo’di, ti iya awi iruruka awiri ledha awi ki mumuluka ri awiri ru ni angwi awiri romi ri ovi injiwngziru. ²⁷ Romi ri ovi oluru perlele angwi osu kana ku amari ori adha ri anda awi ki ngarari embo ni ai iku a’du’ba ago ako a’i ri chandire, ani nolu indharu ori ri si.