¹ Angwi acho miari’ba lodo rikaki b’anny ri agaga, esu rinnerib’a lodo rika niki andu ammiri agaga ilia, od’ub’a eleh andu kenna ri kakoko rochocho rika ne anyo angwi ju ossi oloro ogeh api ogeh kapeh ri kale, kezee ri rw nochocha ne api ni wo titi. ² Ab’ika kiru eleh andu kovwi olow apika kaki ri leathy ne anyo, azze kobwo api ri kiw’se thokithoki ri leathy eleh andu kambwe ri kale. ³ Thoboronga apina ne ‘se wo lob’a eleh andu kiwowolo ri ammi ne arari ninjwia, ama andda ri lele ‘se na muwo apina ri ovwi keway azze kiru apiri muwo natha napa okoh onnu quwo. ⁴ Kobwo eya ju andda orri adi od’d’i anjiluji kappa rossub’a kaki ajju ‘seku, ama kiru imuwo lob’a ro kale ofo ne namumu buburi eleki ra azze kokwe lob’a ne rorwe anyi beya andu olii lokikoka kale wo; ⁵ Angwi ju eya adi lago od’d’i milili andda lika kaki ajju ‘seku, lago kiru eyeyeju iruruka Noah anyo wo, oloro thokithoki nenna r inane, alokwa ro teodiery. ⁶ Lao andda lago ri bara neazeezo milili od’ub’a andda oleh orri kuka kaki n inane ra; ⁷ azze kiru eya lago iloka lot oho na, mod’i agona oloro epeee kana geh bouwa b’anny od’ub’a kakoko ninjwi dinja rika kaki nikokob’a kaki ‘se ⁸ Lko’bwo ge kithema ineeo mod’i agona napa thokithoki rina nane kololow lob’a ri agaga kiru kiyeyong’o ri lago ri oyuru thokithoki rina nane ne kale wo kakoko wod’ia raki ri eb’u kappa ‘se od’ub’a lago ri onddeh kana azze keri rika kaki, ⁹ kiru ossi aggo onne oho eya kiloka ri orri ri b’anny ne adad’o akka kappa lele’se angwi eya kiruruka ri b’anny od’ub’a thokithoki ako eleki ne adad’o to inee loki noliizo nane ra, ¹⁰ angwi eleki ro od’ub’a kovwi ruw ri bu ne od’ia ninjwi kappa aweka kaki ro ngwi kiyaya ri kakoko ne kale anyo oleh ennaku. Aloow angwi kieemo (keyeye) ri rou apika ne anyo, lob’a orow nyaku b’anny akku b’aki nambwele kale, ¹¹ ilia wo kiru anjiluji kappa, kiru aggo adi lob’a eazee anana kappa apika kaki ri lokiko o’ssi ni oliileku. ¹² Ama b’anny kappa eleki, kede esu anyokwa niki e’jo d’oku othee riffu’se anyi beya oruu (umbeh) azze olii kale, kunna ri nga od’ub’a adi api ikokoroku ne anyo, azze kiru lob’a nolii’se kale wo achobo angwi eleh andu olii api ne kale wo, ¹³ namud’we injwiru kobwo eleni owowe ninjwi ri amud’we keangwi ne. keyeyeju ithuu ri ‘se kiwewele ri ruw ne inyonyoriro, lob’a worroo (eyabo aqui rib’a) azze kiloloka ri ese api ri ruw ne weweleze nini injwi apika kaki ra lao apiri ujuma nonyazo ammiro eleni ra. ¹⁴ Lob’a rim ii kappa oggo kiru ogga thoo thoworo ‘se angwi kiru oggo lob’a adi ibuliegaku rossu ‘se. lob’a koleh ri apiro b’anny amud’weka eleki ra anyo, angwi oggo lob’a ri aside eanne ageh anyo wo. Acho erebi oguw kale ‘bwo! ¹⁵ Acho lob’a oyee lojera ne teer nane kale oho, lob’a ri ruw ochu ake kale ‘bwo ovvo kale oho, kovwi Balaamari lojera ne anyo wo, Bosoro ri ngwago, oloro iyie owowe ninjwi ri ringwi anyo nane, ¹⁶ ama achobo lago a iy kayuyuko walewale ninjwi aweka kaki nina kale ‘bwo: lab’i b’ahrina kejo oli rina’se wo azze korye miari mod’i napa mod’i ne mbombo aweka kaki ’se wo. ¹⁷ Acho b’anny kappa iki iyi rim ii ako angwi fufud’o niki lotutu kogu kale; ko’bwo ofo anee theryna tiet nane orweh lob’a ni, ¹⁸ Ko’bwo, anyi beya kung’a pathapatha ri ari d’inika kaki aka, lob’a koleh ri apiro od’ia ninjwi (wod’ia ninjwi) ruw rika eleki ra anyo wo api od’ub’a sodinjaro kondu kapah kale b’anny od’ub’a kololow walewale ‘seka eleki ra lale ‘seka eleki. ¹⁹ Lob’a kiru aka lob’a ni kalla anyo wo, kiru lob’a api ri ruw ‘se keyeyeju oddo api murunthu rib’a ri nyaa wo, ko’bwo oggo mod’i kolow nyaaru nga oloro itella awe oho nane ni anyo wo. ²⁰ Ko’bwo eya kiru lob’a, appa kale murunthu kappa milili rika eleki ‘se (aary) kawowo natha none ‘se karuruka natha yesu khristho ro, azze angwi ge kam’ba rid a azze angwi kidikilu (kilella) ri lob’a ne, api ri woringe’e bule rina eleni kiru injwina towe wo oggo kiru kopeh andda apina athii ri na nane ne wo. ²¹ Ko’bwo acho awe ‘sona intha towe api ni kodo thokithoki ri leathy nonneku eyaonne awe oho tubuna wo anyi kufuri bule ka yuyuko naggwy ifuthuki kana api ni touwa wa kaki ra lele’se acho andu kiru kopeh andda rina nane ne wo. ²² Ad’onga kagagwy ne lopartong’o ri ari akakana thoki nane niah oloro onga ri lob’a ni, “okeah kongwi awery ud’we wo,” angwi “Eazo rujwe r inane kongwi ruw nitobod’o bod’okeh ninah wo.”