¹ Mē u mõthe sa ki jis ke pahol dji lavehite. ² Mõthe ghãmum-iela, viv jis ke kõthol, pu ie pa kole tãsatã, i ki ie siaie, fiãm lãdã ie ixpua, i kõtatmã i ki ie tuju Ka atãn. ³ Kõseie fãm ki pi vie-iela viv Kumã vie djivet viv, sa fãm ki Ka khe lasu Bõdje. Ki ie pa puve mal pale dji pies mum, osi ie pa puve bue boku djivē, pu ie mõthe bõ legsãm. ⁴ Pu sa fãm ki pi jõm-iela aphãm kõtã ie õm-iela i ie pitxit-iela. ⁵ Pu ie viv ke konetmã, pu ie puve sa bõ fãm ki konet kõdji so kas, pu ie obeie ie õm-iela,pu pies mum pa pale mal dji pahol Bõdje. ⁶ Dji mēm fõm, kõseie õm ki pi jõm-iela pu ie viv ke konetmã. ⁷ Vi mēm djivet sa ūm legsãm dji um bõ kahate; ko siaie, i pi siaie Ka um Ka mõthe. ⁸ Ise pahol ki jis,pu pies mum pa mal pale, pu elmi-iela hete hõte,pu ie pa puve dji aie dji mal, dji no. ⁹ Ki isklav-iela obei ie met, Ki ie puve kõt ã lãdã tut, ki ie pa puve heklamē. ¹⁰ Pu ie pa volo ie met-iela, ki ie puve mõthe ki bõ i honet lãdã ki ie Ka fe; dji sa mãiē, pa lacos dji sa bagaj ki Ka fe tut ke pale biēm dji pahol dji Bõdje no Sēie. ¹¹ Pase Bõdje mõthe so (suple) kõtatmã pu bai salvasiõ pu tut . ¹² Sa kõtatmã Ka mõthe no abãoonē tut bagaj ki pa bõ, a pusa li Ka mõthe no viv un lavi ki bõ lasu tã-la, i viv biēn i fe thavai dji Bõdje. ¹³ A mēm tã no Ka atãm sa bõ ju la, ki li ke pahet ghã povula dji no ghã Bõdje, no Sēie Jezi Khi. ¹⁴ A li ki bai so phop kõ, pu no, pu li defiei deliuve no dji tut dji mal, dji pexe, pu sãtxifike no i fe dji no so pou selmã so pa. ¹⁵ Mõthe sa bagaj i ise tut altohite pu bai fos i osi pu puve hale zohe, dji u kamahad-iela,pu pies mum pa nephuise.