¹ Pól e Timóteo, sehvito dji Jezi khi no ekhi pu tut nasiõ-iela sē pa papa dji Jezi Khi Filipos ki ie ãsam ke bispos e diáconos dji leglis. ² Bõdje no Papa ,e no Sēiē Jezi Khi measi zót ³ Tut fué ke mo Ka majenē lá su zót mo ka humeasi Bõdje pusa. ⁴ Tut fué ke mo ka Phu-ie mo kadumãde o si pu zót, tut ke mo kotatmã. ⁵ Pase zót ka idemo ke evãjelik, dji Sá ju-lá juk ató. ⁶ Mo asine sa ki komase bõ tuavai i zót ke kõplete Jezi Khi ⁷ Jis ke mo kõsa ki mo ka sãtxi lesphui dji tut zót, un fué ke mo Teka mete zót lá mo txio, aphué ,ué ki u lãdã xēn ki ie ka phuimo ,ke ie ka defie-no ki ie asihe pu evãjelik, tut zót ka pahtxisipe ke mo Papa Bõdje. ⁸ Bõdje a mo tēmuē pase mo ka xõje zót , Bõdje Save ke mo kõtã zót pase mo kõtã zót tut,ke mem kõtatmã ki mo kõtã zót pase li ka Vini dji bõtxio dji Jezi-Khi. ⁹ Sa ke mo ka dumãde pu Bõdje pase mo le ke zót kõtatmã vinī pi gho pi Baku e ki zót puve gãiē pi boku. ¹⁰ A kõsa zót ke Save xuezi Sá ki pi bõ a kõsa, sajula ló li ke vinī kã Jezi ke vinī ,sa ju-la zót ke li diete dji tut sa ki pa bõ e tut tó. ¹¹ Lavi zót Lavi ke plē ke bõ nuvel dji kalite ke hen Jezi Khi puve fé , pu glória e pu xãte dji Bõdje . ¹² Mo fué -iela, mo le ki zót save ki pagaj-la ke fet ke mo ke iede, dji vē evãjelik-la kõ txinē. ¹³ A pusa sa ke tut kã lãdã kaz dji guvelmã-la e tut óut mun-iela ki hete save ki mo la puesãs pu sa mo sa siévito dji Jezi Khi. ¹⁴ E ie te boku dji fue-la ke ie te ka ué ke mo te la puesãs, ki ie gãiē pi boku ku haj pu anusie mēsaj dji Bõdje. ¹⁵ A vué Kia un dji zót ka anusie Jezi Khi pu sa sãble u jalu pase uot-la ka anusie gis. ¹⁶ Sa-iela ka fé pase ie kõtã,pu Sa ie save ki Bõdje bai pu mo un thavaí dji defié evãjelik-la. ¹⁷ Uot-la ie ka anusie Jezi Khi pase ie siaie, pase ie te ītehesie mun-so. Ie ka majinē ke ie mutxiplike mo duló pase mo la puizõ. ¹⁸ Pase sa pa gãiē pase u ka fé u vãte .A pusa sa pu ka dji mo ãiē pase Jezi Khi ka anusie, a pusa li kadji dji mal a pusa lokasiõ-la mo kõtã mo ke kõtxinē kõsa . ¹⁹ Pase mo save ke zót ka phuie dji zót pase lesphui dji Jezi Khi, pase mo ke libiate . ²⁰ Mo grã ãvī mo ispehãs sa pa jamē thõpe mo dji mo obhigasiõ puli kotinē ãplis,mo te gãiē bõ txio.E kõsa la su tut sa ki mo dji i ufé boku lasu lavi kumã lasu lamo,mo te puve uot te puve hukonet ghoso dji Jezi Khi. ²¹ pu mo puve viv e Jezi Khi, li muhi a pa ãiē pu mo. ²² Mē si mo kõtxinē ka viv,si mo te puve kõsa un thavai ki ītehesie ēbe mo pasa sava ki mo ka xózi. ²³ Pase mo pahe pa te bõ,pase mole boku lese sa lavi-la pu mo puve ãsam ke Jezi Khi pase sa bõ. ²⁴ Pahezãm,pala kos zót, boku itehesã ki mo kotxinē viv. ²⁵ I,kumã mo jis dji sa , mo save ke fo ki no kotxinē viv e fika si ke tut zót pase fo no isi pu ide zót maxe pu djivã pu zót puve kõtã kisa ka vinī dji grã kofiãs ki mo gãiē. ²⁶ Kumã, kã mo kale vizite Zót un not fué ,zót gãiē bubo hezõ pu zót puve hete pu zót gãiē vãte dji mo ,lãdã Lavi ki zót gãiē uniõ ke Jezi Khi. ²⁷ Ató ,sa ki pi ipohtã ki zót puve viv jis ke ivãjelik dji Jezi Khi. Dji sa mēm hesõ-la ,si mote puve ale vizite zót Kom si mo te puve mo te Save ki zót kotxinē fiãn e ãsam .e zót te ke save ki zót gãiē espua lasu evãjelik, pase ie ka bhuiga asãm,kēn Sel ãvī. ²⁸ Li pate pé dji só elmī-iela.Ki zót tut ghē txio, sa-la un la puve pu ie save ki un ju ie ke piad dji zót gãiē pu kisa a Bõdje ki ka bai vitua pu zót. ²⁹ Pase li bai pu zót un lókasiõ dji sevie Bõdje, hen Pase sa ki u ka khé la su ,osi ka sufui pasu la Kaz. ³⁰ Ató zót puve Pase viv ke mo lãdã nepot batai. Kumã zót save, ke batai-la ke zót kotxinē ke zót.