¹ Mõi Pol, apóstolo dji Jezi Khi pu volãte dji Bõdje, mo Ka elki sa let pu siaviato dji Bõdje dji pei dji Efésios, pase mum-iela ki gis ke Jezi Khi. ² Ki Bõdje kõtã no tut no Papa ke Sēie Jezi ãsam ke no. ³ No ka humiasi Bõdje i Papa dji no Sēie Jezi Khi, pase li benī no i no ãsam ke li pase li bai pu no u lesphui-la dji tã ki la hosiel. ⁴ Ãva ie te fe tã-la, Bõdje te deja xoesi pu no te sa pa pu no uniõ ke Jezi Khi, pu no puve sa selmã dji Bõdje ki no Ka puesãte dji vã dji li sa to pase u kõtã no. ⁵ Bõdje te deha save ki no te sa pxitit, pase Jezi Khi, pase sa te so ãvi. ⁶ Pu sa no xãte pu Bõdje pase a li ki gãiē ghã púvua, pase li bai pu no ghã thuit pa la pxitit dji so pxitit. ⁷ A pusa, pu la mó dji Jezi Khi la su lakhue, no libiáte deja, save dji ki no pexe-iela deja padrões Kumã li bõ ki Bõdje ãsam ke no. ⁸ Ke li bai pu no boku Bõdje ki tet so ītelijã. ⁹ Li fe sa ki deja fet e pi li dji ou no um plã ãseghe pa Jezi Khi. ¹⁰ Sa mulmã a pu hasãble no, lãdã tã ki jis, ãba otohizasiõ dji Jezi Khi, tut sa ki gãiē lahosiel o si lãdã late. ¹¹ Tut sa bagaj ka fet ke un lide ke desisiõ dji Bõdje Kã so lide jis ke sa ki limēm ke fe dji pi la kumasmã, Bõdje xuesi no pu sa so nasiõ, pa la petxi dji no uniõ ke Jezi Khi. ¹² O si no mēm, ki no sa phomiē mete no espehãs la su Jezi Kh, no Ka xãte pu la hosiel. ¹³ A mēm bagaj la fet ke zot Kã ie lãde la vehite bõ nu vel ki mo pote pu zot a salvasiõ, zot khe la su Jezi Khi. Bodje mete la su zot so mak dji xef Kã ie bai sētes phui, ki li te phomet. ¹⁴ Sētesphui a ghahãti ki no ke husuvel ki Bõdje phomet pu so mum-iela, sa ki Ka bai ke Bõdje ke libiate no li Ka kãplete ki so pa pusa no ka xãte pu lahosiel. ¹⁵ Pu sa dji pi Kã mo tãde kose la su ghã púvua ki zot gãiē la su Sēie Jezi Khi pase zot kõtã tut fue-iela ki ka khe lasu Jezi. ¹⁶ Mo pu Ka hete dji humiasi Bõdje pa zot la kós mo tuju Ka xõje zot lo mo Ka phuie. ¹⁷ No ka dumãde Bõdje dji no Sēie Jezi Khi, no Papa ke ghã povuá, ki li pu zot so lesphui, lesphui je tho mãiē ki li ke dji pu Bõdje dji no, pu sa no ke kõnet i no ke puve hukonet. ¹⁸ No ka dumãde pu Bõdje mete la no tet bõ lesphui pu no puve ue so limē zot puve hukonet so espehãs pase ie aple, a pusa ie save Kumã li konet benī ki li phõmet pu so mum ie-iela. ¹⁹ Kumã so povua gho ke la su no sa ki Ka khé la sul sa povua la su no i mēm fos ki gãiē povua. ²⁰ Kã li ise pu li fe Jezi vivã ãko li fe ke li a si la so adhet la sutã dji lahosiel. ²¹ Jezi Khi gãiē povua la su tut ki li gãiē lahosie, outohite fos e povua, li gãiē un povua ke ka pase tut povua ie-la ki la su late a pusa li gãiē povua la sutã ki ke vini osi. ²² Bõdje mete tut bagaj ãba outohizasiõ dji Jezi Khi li bai Jezi Khi pu leglis kom tut Bõdje dji tut. ²³ Leglis-iela a ko dji Jezi Khi li Ka kõplete Jezi Khi li Ka kõplete bagaj lãdã nēpot kote.