¹ Finalmã, fue-iela phuie pu no pu ki pahol dji Sēie kõtxinë kate hapidmã i pu ie husuvel bië, kumã hive ãt zot. ² Phuie osi pu ki Bõdje delivue no dji mun mixã-iela i move-iela, pase në tut khe lãdã mësaj-la. ³ Më Sēie Jezi fiam. Li ke bai ie fos i delivue ie dji mal. ⁴ I Sēie ka fe ki no gãiē kõfiãs lasu zot; no asihe dji ki zot ka fe i zot ke kõtxinë fe sa ki no Ka hekumãde. ⁵ Ki Sēie fe zot kõphan pi bië kõtãtmã dji Bõdje pu zot i fos ki Li, Jezi, ka bai! ⁶ Fue-iela, lasu nõ dji Sēie Jezi Khi, no Ka bai zod pu zot ki zot hete luë dji tut fue-iela ki ka viv sã thavai i ki pa ka suiv sa pahol-iela ki no mõthe pu ie. ⁷ Zot save biē ki zot djivet suiv no legzam, pase no pa viv ãt zot sã thavai. ⁸ No pa husuve aië dji pies mun, sã peie; lãdã lavehite no thavai i no hete fatxige. No thavai sã poze, nuiti jonë, ãfë dji pu no pa sa pezãto pu pies un dji zot. ⁹ No te gë dhue dji husuve un kek bagaj pu sutuni no; më no pa dumãde ãië ãfë dji ki zot suiv no legzam. ¹⁰ Pase, kã no te laba, no bai sa zod-la. "Mun ki pa le thavai pa ke mãje". ¹¹ No ka afihmë sa pase ki no tãde kõsa ki gãiē ãt un de mun ki ka viv sãble mun ki fëiã-iela: ie pa ka fe ãië i ka gade pu lavi dji uot-iela. ¹² Lasu nõ dji Sēie Jezi khi, no Ka bai sa zod-la pu sa mun-iela pu ie viv dji um mãiēki jis i pu ie thavai pu ie sutuni ie ko. ¹³ Më, zot fue-iela pa hete dji fe biē. ¹⁴ Si un kek mun pa le obei sa ki no ka hukumãde lãdã sa let-la, zot gade akimun ka fe sa i zot sotxi dji obo li pu li hete hõte. ¹⁵ Ēbe zot pa thetel Kumã elmï, më zot kõseiel kumã zot ka kõseie um fue. ¹⁶ Ki Sēie dji thãkilite (paz) bai pu zot thãkilite-la sëp i dji tut mãiē-iela! I ki Sēie hete ke zot tut ! ¹⁷ Ke mo phop lãmë mo ekhi sa: "saudasiõ dji Pol" . A kõsa mo ka ekhi lãdã tut mo let-iela pu mõthe ki a mo memki ekhi ie. ¹⁸ Ki a *graça dji no Sēie Jezi Khi hete ke zot tut.