¹ Pol, Silvano i tximotxio pu legliz dji tessalonicenses ki ke Bõdje no papa ,i no sēie jezi khi. ² Volõte i kõtatmã pu zot dji pah dji Papa Bõdje i dji no Sēie Jezi Khi. ³ Fue-iela no gãie tuju dji humiasi Bõdje pu zot, Kumã li jis, pase ki zot ixpua fo boku, i kõtatmã dji xak ūm dji zot xãbe de ūm pu vot. ⁴ A pu sa no ka hete kõtã dji pale dji zot pu vot leglis-iela, suje zot ixpua ki zot gãiē lãdã tut penseguiõ i aflisiõ ki zot sipote. ⁵ Sa a ūm laphuev kle i jis dji jugmã dji Bõdje, pu kõsidehe no jis djivã phuesãs dji Bõdje, pu thibulasiõ ki no Ka sufi. ⁶ Vuemã, i jis d jivã Bõdje ki li ke peie ke thibulasiõ sa mum ki Ka fe zot sufui. ⁷ Li ke bai ētehnite pu zot i osi pu no, ki Ka sufui, li ke fe sa Kã i Sēie Jezi Khi vini, dji lahosiel i ke pahet asãm ke so sãnj-iela ki gãiē povua. ⁸ Ke ghã dji fe, pu vini sa mum-iela ki pa le kute Bõdje so pahol. ⁹ Sa mum-iela ke sufui ghã pehdisiõ lavi ētehnel, luēn dji phuesãs dji Bõdje, i luēn dji so povua. ¹⁰ Sa la ke hive lãdã ju ki li ke tone, pu tut so pou adohe-li i lue-li, pu li husuve adohasiõ, dji tut mim ki khē lasu li i zot osi ke asãm ke sa mūm-iela pase zot khe lasu Bõdje so Pahol ki no (pale) anūsie. 11 Pu sa ki tuju no ka phuie pu zot, no ka dumãde dji Bõdje pu li kapasite zot, pu zot gãiē ūm lavi biēm la so phuesãs, ke altohite pu healise bagaj ki bõ ki. ¹² Pu nõ dji no Sēie Jezi Khi , (glohifike) lasu zot, i zot lasu li, desēm kõtatmã dji no Bõdje i dji Sēie Jezi Khi.