¹ Jehova ulayendelezya; zisi ngazikankame. Ukkala aachuno chabululami aatala abaKkelubbimu; inyika ilazuzuma. ² Jehova mupati muZayoni; ulisumpwidwe kwiinda zisi zyoonse. ³ Muleke batembawule zina lyako pati liyoosya; ulasalala. ⁴ Mwami uli aanguzu, alimwi ulayanda kubeteka kabotu. Wakayimika kukosola kubotu; wachita bululami akubeleka kubotu muliJekkobbu. ⁵ Amutembawule Jehova Leza wesu mumukombe kuchikkalilo chandyato zyakwe. Ulasalala. ⁶ Mozesi aAloni bakali aakati kabapayizi bakwe, alimwi Samiyele wakali aakati kabaabo bakiita zina lyakwe. Bakiita kuli Jehova, alimwi wakabavwiila. ⁷ Wakaambuula kulimbabo kuzwa mumusumpuululu wajoba. Bakabamba mbeta zyakwe zizwide amilayizyo eeyo njaakabapede. ⁸ Wakabasandula, Jehova Leza wesu. Wakali Lea uulekele kulimbabo, pesi umwi ooyo wakapa chisubulo kunchito zyabo zyabubi. ⁹ Amutembawule Jehova Leza wesu, alimwi mukombe kuchilundu chakwe chisalala, nkaambo Jehova Leza wesu ulasalala.