Inkombyo ya Deviti. ¹ Swilila, Jehova, alimwi undisandule, nkaambo ndili muchete asikubula. ² Ndikwabilile, nkaambo ndili syomekede; Leza wangu, futula mulanda wako uusyoma mulinduwe. ³ Koba aluse kuli ndime, Mwami, nkaambo ndilakulilila buzuba boonse. ⁴ Chita mulanda wako ubotezya kuli nduwe, Mwami, ndilasumpula muuya wangu. ⁵ Webo, Mwami, ulimubotu, alimwi ulilibambilide kulekelela, akuzula kuyanda kuli boonse bakulilila. ⁶ Jehova, koswilila nkombyo yangu; komvwa mongoomena wankumbilizyo zyangu. Mubuzuba bwamapenzi ndilakwita, nkaambo uyondisandula. ⁷ Bukali bwako bukkede chakundimizya alindime, amayuwe ako woonse alalindime alikundipwachuula. Selah ⁸ Takukwe umwi wezyanisya nduwe akati kabaleza, Mwami. Takukwe zichito zilimbuli zichito zyako. ⁹ Zisi zyoonse nziwakabumba ziyosika akukukotamina kunembo lyako, Mwami. Bayolemeka izina lyako. ⁹ Menso angu adekela kuzwa kumakataazyo. Buzuba boonse ndilakwiita, Jehova; ndilatasanuna maboko aangu kuli nduwe. ¹⁰ Uyobachitila zigambyo na bafwide? Abo bakafwa ngabalabuka na mpawo bakutembawule? Selah ¹¹ Sa chizuminano chako chabusyomesi ngachilambwa mukabanda, alulemeko lwako mubusena abafwide? ¹² Sena nchito zyako zigambya ngazila zibinkana, ma bululami bwako mubusena bwakulubwa? ¹³ Nkambo chizuminano chako nchipati chili syomekede; wakavuna buumi bwangu kuzwa kunikide nikide kulufu. ¹⁴ Leza, basikamikami bandibukila. Kabunga kabalumi bapilingene bayanduula buumi bwangu. Takwepe nibakuyeeya. ¹⁵ Pesi webo, Mwami, uli Leza siluse asiluzyalo, utafwambani kunyema, alimwi siluyando lutamani alimwi ulisyomekede. ¹⁶ Chengunukila kuli ndime akuba aluse alindime; mupe nguzu mulanda wako; futula mwana mulombe wamulanda wako mwanakazi. ¹⁷ Nditondezye chitondezye chakundiyanda. Eelyo aabo bandisula bayochibona mpawo bakafwisigwe bweeme nkambo webo Jehova, wakandigwasya mpawo akundumbulizya. ¹⁷ Balandizyunguluka mbuli meenda buzuba boonse; bandizyunguluka boonse. ¹⁸ Wakagusya mwenzuma woonse angu tumvwanana awe kulindime. Mudima nguwangu biyo ngutumvwanana awo.