Njamuyimbi mupati; amabbanjo. Lwimbo lwa Devidi; awo ba Zipati nibakasika akuzoti kuli Sawulu, ''Tenkuti Devidi uyuyubide andiswe na?'' ¹ Ndifutule, Leza, azina lyako, alimwi undibeteke mumanguzu ako. ² Komvwa nkombyo yangu, Leza, pakuti kumajwi amulomo wangu. ³ Nkambo bazwakule babukila kundilwisya, abalumi batakwe luzyalo balokuvwima buumi bwangu; takwe nibabikka Leza pe kunembo lyabo.Selah ⁴ Laanga, Leza ngomugwasyi wangu; iMwami nguwe undibukata. ⁵ Uyobwedezya basinkondoma abubi; mukusyomeka kwako, banyonyoone! ⁶ Ndiyopayilila kulinduwe achipo chakuliyandila; Ndiyoopa kulumba kuzina lyako, Jehova, nkaambo nchibotu. ⁷ Nkaambo wandivuna kumapenzi woonse; linso lyangu lyalanga chakuzunda sinkondoma. ⁸ Ndali kunochijila kuchiyubilo kuzwa kukambizi kaluuwo amayuwe.'' ⁹ Banyonyoone, Mwami, pyopyongania ndimi zyabo! Nkambo ndabona bukali ankondo mumyunzi. ¹⁰ Sikati amansiku bala zyunguluka bulambo bwawo; bubi amafwabi buli akkati kawo. ¹¹ Bubi buli akkati kawo; budyamizyi alweeno tazizwi munzila zyawo. ¹² Nkambo teensi wakali sinkondoma wakandikkalalila, mpawo ndalikunobweza; nikuba taali oyo undisulide wakali nyampula kundilwisya, mpawo ndali kunomuyuba. ¹³ Pesi kwakali nduwe, mwalumi mbuli ndime, ngunjendawe mwenzuma waafwifwi. ¹⁴ Twakali akulyidilana kunono amwi; twakali kwenda mung'anda ya Leza aamwi ankamu. ¹⁵ Lekela lufu lufwambane kubasikila; leka baye ansi kubafu kabali bawumbulu, nkambo mububi mumo mubakkala, akkati kabo. ¹⁶ Mbuli ndime, ndiyoyita kuli Leza, alimwi Jehova uyondifutula. ¹⁷ Igoko, kuseni, asikati ndilasyoloka akulila; uyoomvwa ijwi lyangu. ¹⁸ Uyoovuna buumi bwangu kabotu kuzwa kunkondo eyo yali kulwisyania ambebo, nkambo abo balikulwana ambebo bakali biingi. ¹⁹ Leza, oyo utonga kuzwa kukutamani, uyobamvwa akubawusisya. Selah Takwepe nibasanduka, alimwi takwepe nibayoowa Leza. ²⁰ Mweenzuma wanyampula kuboko kwakwe kalwiisya abo bali muluumuno andime; talemeka chizuminano pe eecho nchakalacho. ²¹ Mulomo wakwe wakali syuukide mbuli idobi, pesi moyo wakwe wakali abukkali; majwi akwe akali mabombe kwinda mafuta, nikubaboobo akali tufulo tusomwedwe. ²² Bikka bukuli wako kuli Jehova, alimwi uyokukwabilila; takoyozumizyi muntu ululeme kuwida mumafwabi. ²³ Pesi webo, Leza, uyoselusya aansi babi kuya mugodi lyakunyonyooka; baalumi basinyota yaganzi abasilweeneno tabakoyopona nikuba chisela chabuumi bwabo, mbuli bamwi, pesi mebo ndiyosyoma kuli nduwe.