Kumupati wabasikwiimba; chibambidwe ku ''Chilizyo chansya.'' Intembawuzyo ya Devidi. ¹ Leza wangu, Leza wangu, nkambonzi nolikule loko kukundifutula akuba kule kumajwi akoomba kwangu? ² Leza wangu, ndakwila sikati, pele tondivwiili, alimwi mansiku nsiwumuni! ³ Kakulikuti ulasalala; ukkala mbuli mwami antembawuzyo zya Izilayeli. ⁴ Basikale bakakusyoma; bakakusyoma mulinduwe, alimwi wakabavuna. ⁵ Bakakukwilila alimwi bakavunwa. Bakakusyoma alimwi tebakawusigwa insoni. ⁶ Pele ndichiyokaansi alimwi nsili muntu, nseesya kubantu akubawusigwa abantu. ⁷ Boonse bandibona balandiseka; balandininda; batikinia mitwe yabo kuli ndime. ⁸ Balamba, ''Usyooma Jehova; mumuleke Jehova amuvune, nkambo ulakondwa mulinguwe.'' ⁹ Nkambowakandigwisya mutumbu, wakandichita kuti ndikusyome awo nindakachili ankolo zyabaama. ¹⁰ Ndakawalilwa kuli nduwe kuzwa mutumbu, nduwe Leza wangu kuzwa kandichili mutumbu lyabaama! ¹¹ Utabi kule andime, nkambo mapenzi alafwifwi, takwe pe sikundigwasya. ¹² Basipule biingi balandizyunguluka, basipule basimide ba Bbasyani balandizyunguluka. ¹³ Balandaasamina mbuli mulavu ubboba uvwamuna nchaaluma ¹⁴ Ndikutilwa mbuli maanzi amafuwa angu woonse awanzanisigwa. Moyo wangu ulimbuli buzuka; ulayaaya mukati kantinti zyazizo zyangu. ¹⁵ Manguzu angu ayuminina mbuli kampenga kakalongo, lulimi lwangu lulanamatila kubwaasa. Wandilazika mulusuko lwalufu. ¹⁶ Nkambo bankala bandizyunguluka; mbukunga yaba simuchita zibi yandichitila kaanda katakwe mulyango; Bayasa maanza angu amawulu angu. ¹⁷ Ndabala mafuwa angu woonse. Balalanga akundilangisisya. ¹⁸ Balaabana zyakusama zyangu, balawaala zisolo nkambo kazizwato zyangu. ¹⁹ Utabi kule, Jehova; ikaka fwambana kundigwasya, manguzu angu! ²⁰ Kovuna muuya wangu kuzwa kupanga abuumi bwangu buyandisi kuzwa kumaala abawumpe. ²¹ Undifutule kuzwa mukkanwa lyamulavu undivune kuzwa kumeja amusune upengede. ²² Ndiyowaamba izina lyako kubanama; Ndiyokutembawula akkati kambunga. ²³ Inywebo nimuyoowa Jehova; amumutembawule! Inywebo moonse nolunyungu lwa Jakkobbu, amumuleke! Amwime mukugamba nguwe, inywebo monse nolunyungu lwa Izilayeli! ²⁴ Nkaambo takwe nanyansya nikuba kusulaika kupenga kwawupenzegwa. Jehova taasisa busyu bwakwe kulinguwe; awo upenzegwa nakamulilila, wakamvwa. ²⁵ Intembawuzyo yangu ilaba nkambo kaako mumbunga mpati; Ndiyozuzikizyazikonke zyangu kunembo lyabaabo bana bamuyoowa. ²⁶ Udyamizigidwe uyolya akukkuta; abo bayanduula Jehova bayomutembawula. Myoyo yanu ipone kwalyoonse. ²⁷ Bonse bantu bamunyika bayoyibulukwa akunyonena kuli Jehova; zyonse mpuli zyamunyika ziyokukotamina. ²⁸ Nkambo bwami mbubwa Jehova; ngonguwe mwendelezi wamanyika. ²⁹ Bantu boonse bavubide bamunyika bayopobola alimwi bayokomba; boonse abo baya kubulongo bayomukotamina abo bakonzyi kukulondola mawumi aabo. ³⁰ Izyalane lichiza liyomubelekela; bayowambila zyalane litobela aatala a Mwami. ³¹ Bayoobola akwamba bululami bwakwe; bayowambila abo batana zyalwa ezyo nzyakachita!