Kumwendelezi wanyimbo. Lwiimbo lwa Devidi. ¹ Jehova akugwasye mubuzuba bwamapenzi; akube kuti izina lya Leza wa Jakobbo likukwabilile ² alimwi akutumine lugwasyo luzwa kubusena busalala kuti lukugwasye kuzwa ku Ziyoni. ³ Akazibaaluke zituuzyo zyazipego zyako zyoonse alimwi akatambule chituuzyo chako chakuumpa. Selah ⁴ Akupe nzyoyanda kumoyo wako alimwi akuzuzikizizye makanze aako woonse. ⁵ Mpawo tuyokoompolola chakukondwa akambo kamilimo yako yalufutuko, alimwi, muzina lya Leza wesu, tuyosumpula ndembela zyesu. Jehova akuchitile zyoonse zintu nzyokumbila. ⁶ Lino ndaziba kuti Jehova ulafutula munanike wakwe; uyomusandula kuzwa kujulu lisalala lilanguzu lyajanza lyakwe lyakululyo litakamufutule. ⁷ Bamwi basyoma nkalaki alimwi bamwi mabbiza, pesi twiita Jehova Leza wesu. ⁸ Bayokatala akuwa, pesi iswebo tuyobuka akwimikila nji! ⁹ Jehova, komuvuna mwami; tugwasye awo mpotukwiita.