Inkombyo ya Davida. ¹ Telela kuchikombyo changu nkambo kabululami, Jehova; swilila kwiitwa kwangu! Ndipa kutwi kunkombyo yangu itazwi kumilomo yalweeno. ² Makani aangu abetekwe kuli nduwe; menso aako abone bululami! ³ Naa walingula moyo wangu, kuti wasika kuli ndime mansiku, uyondisalazya tokoyojana chintu chibi chiyanzidwe; mulomo wangu tawubisyi. ⁴ Aakuli amilomo yabantu, kumajwi amulomo wako ndaligwisya munzila yabapilingemne. ⁵ Intaamo zyangu zyatobela loko mikondo yako; mawulu aangu taana kutezemuka. ⁶ Ndakwilila nduwe, nkambo ulandityaba, Leza; koteya matwi kuli ndime akuswilila nzengaambuula. ⁷ Tondezya luzyalo lwako munzila mbotu, akubavuna kuli basinkondonyina kujanza lyako lyalulyo! ⁸ Kondibamba mbuli muchelo walinso lyako; kondisisa muchenzule chamababa aako ⁹ kondivuna kuli basizibi bandimwaya, basinkondoma bandizyunguluka. ¹⁰ Bayumya myoyo yabo chakutafwa luzyalo; baamba chakuli sumpula amilomo yabo. ¹¹ Monesi motwenda bali twengelede. Balitudunamide amenso kuti batuwisye aansi. ¹² Bali mbuli mulavu uuyandisya kukwaamuna, mbuli kana kamulavu kabutambo kakkala musitikide. ¹³ Buka, Jehova! Kobanyonyoona! Bawalile aansi abusyu bwabo! Ipanga lyako lindivune kuli basizibi! ¹⁴ Ijanza lyako lindivune kubantu, Jehova, kubantu baansi bali aachaabilo chabuumi obuno, mbozuzya mada aabo kuziyandisi zyako, balivuzizya bana, akusiila lunyungu lwabo imbono ¹⁵ Pele imebo, njoobona busyu bwako abululami; njookkkuta, muchindi nenjobuka, antomwe akuyokubona.