¹ Intembawuzyo mubulembo bwa Davida. Undibambe, Leza, nkambo nduwe mayubilo aangu. ² Ndambila Jehova kuti, ''Nduwe Mwami wangu; nsikwe choolwe chita mulinduwe olikke. ³ Basalazi banyika, bantu bako balemu; mbimbaabo mbenkondelwa. ⁴ Mapenzi ayovula, kuli aabo baliyandwida baleza bambi. Nsikoyotila meenda anona muzipayizyo zyenu zyabulowa kuli baleza benu naa kusumpula mazina eenu amilomo yangu. ⁵ Jehova, nchechaabilo changu chalukono ankomeki yangu. Nduwe noobamba zyabuumi bwangu zyoonse. ⁶ Zyelesyo zyandelekela kabotu, lukono lwangu lwakonda loko. ⁷ Ndiyolongezya Jehova, uundilaya; nikuba akati kamansiku moyo wangu ulandiyiisya. ⁸ Ndibikkide Jehova kubusyu bwangu lyoonse, ulikululyo lwajanza lyangu kuti atazunganisigwi! ⁹ Aboobo moyo wangu wasekelela; muuya wangu wakondwa. Alimwi ndiyokkala mululangililo. ¹⁰ Nkambo tokoyosiya moyo wangu kuchikkalilo chabafu. Tokoyo waba usalala wako kuti abone kubola. ¹¹ Wandiyiisya inzila yabuumi; kubusyu bwako kulizwide bukondwi; kujanza lyako lyalulyo kulabotezya lyoonse!''