Lwiimbo lwaDeviti. ¹ Swiilila nkombyo yangu, o Jehova; swiilila zikumbizyo zyangu. Nkaambo kakusyomeka abululami bwako, kondivwiila! ² Utanjili mulubeteko antoomwe abalanda bako, nkaambo kubusyu bwako taakwe uululeme pe. ³ Sinkondoma wavwima muuya wangu; wandivwinyuuna aanyika; wandichita kuti ndikkale mumudima mbuli aabo bafwansiku. ⁴ Muuya wangu wawizuuka mulindime; moyo wangu wayoowa. ⁵ Ndayeeya mazuba akayinda; ndayibaluka milimu yako yoonse; Ndayubununa zyakachitwa amaanza aako. ⁶ Ndatandabika maboko aangu kulinguwe; muuya wangu uleenyota munyika yachimpayuma. Selah ⁷ Kundivwiila chakufwambaana, Jehova, nkambo muuya wangu wawizuuka. Utandisisili busyu bwako, naa ndaba mbuli aabo bayinkila mumulindi. ⁸ Andimvwe chizumunano chabusyomesi muchifumofumo, nkaambo ndasyoma mulinduwe. Nditondeezye nzila njiyelede kweenda, nkaambo ndanyampula muuya wangu kulinduwe. ^{9 10} Kondivuna kulibasinkondoma, o Jehova; ndachijila kulinduwe kuti ndiyube. Ndiyiisye kuchita kuyanda kwako, nkaambo nduwe Leza wangu, Muya wako mubotu undizulwide munyika iiluleme. ¹¹ Jehova, nkaambo kezina lyako, kondibamba nkechili muumi. ¹² Mubusyomesi bwachizuminano chako nyonyoona basinkondoma alimwi nyonyoona boonse basinkondo babuumi bwangu, nkaambo ndilimulanda wako.