¹ Amutembawule Jehova. Amutembawule zina lyaJehova. Amumutembawule, nywebo nobalanda baJehova, ² nywebo nimwiima mung'anda yaJehova, mumbuwa zyang'anda yaLeza. ³ Amutembawule Jehova, nkaambo mubotu; amwiimbe ntembawuzyo kuzina lyakwe, nkaambo nkubotu kuchita oobo. ⁴ Nkaambo Jehova mwini walisalila Jakkobbu, Izilayeli mbulilubono lwakwe. ⁵ Ndilizi kuti Jehova mupati, kuti Leza wesu uli aatala lyabaleza boonse. ⁶ Kufumbwa nchaayanda Jehova, ulachichita kujulu, aansi, mulwizi amulikoonse kunika kwalwizi. ⁷ Uleeta mayoba kuzwa kule, kuchita tulabi kusindikizya mvula akweeta luuwo kuzwa mung'anda yakwe yakubambila. ⁸ Wakajaya bana bataanzi baIjipiti, boonse babantu ababanyama. ⁹ Wakatuma zitondeezyo azigambyo aakati kako, Ijipiti, kulwisyania aFalo abalanda bakwe boonse. ¹⁰ Wakalwisya manyika miingi akujaya baami bapati, ¹¹ Sihoni mwami wamaAmoli aOgu mwami waBbasyani amaami aaKkenani. ¹² Wakatupa nyika yabo mbuli lukono, lukono kuli Izilayeli bantu bakwe. ¹³ Izina lyako, Jehova, ndyalyoonse; impuwo yako, Jehova, njalyoonse kumazyalani woonse. ¹⁴ Nkaambo Jehova ulalwanina bantu bakwe alimwi uli aaluzyalo kubalanda bakwe. ¹⁵ Zitoombe zyamanyika ninsiliva angolide, milimu yamaanza abantu. ¹⁶ Zitoombe eezyo zili aamilomo pesi tazyambuuli; zili aamenso , pesi taziboni; ¹⁷ zili aamatwi, pesi tazimvwi; nikuba muuya mumilomo yazyo. ¹⁸ Aabo bachibumba bali mbuli nzizyo, mbuli kubede boonse basyoma mulinzizyo. ¹⁹ Nolunyungu lwaIzilayeli, mulongezye Jehova; lunyungu lwaAloni, mulongezye Jehova. ²⁰ Lunyungu lwaLevi, mulongezye Jehova; nywebo nimulemeka Jehova, mulongezye Jehova. ²¹ Alongezegwe Jehova muZayoni, ooyo uukkala muJelusalemu. Tembawula Jehova.