Njamupati wabasikwiimba. Intembawuzyo ya Devidi. ¹ Kuyoba lili, Jehova, ulaleka lili kundiluba lyoonse? Kuyoba lili kusisa busyu bwako kuli ndime? ² Kuyoba lili ninjoleka kumvwa machise mumoyo wangu mazuba woonse? Kuyoba lili sinkondoma nayolisumpwida ndime? ³ Langa kuli ndime akundivwiila, Jehova Leza wangu! Ndipe mumuuni kumenso aangu, naa kuti nditawoni mulufu. ⁴ Utachiti kuti sinkondoma awaamba, ''Ndamuzunda,'' eelyo sinkondoma takoyoowamba, ''Ndachita ziyandikana kubbazu lyangu'''; nekubaboobo, basinkondoma balabotelwa nindawida aansi. ⁵ Mebo ndasyoma luzyalo lwako; moyo wangu uyokondwa mulufutuko lwako. ⁶ Ndayimba kuli Jehova nkambo wandibamba kabotu loko.