Chaandano 113
1
Mutembawula Jehova. Mumutembawule, nobalanda baJehova; mutembawule zina lyaJehova.
2
Lililongezegelwe zina lyaJehova, lino abutamani.
3
Kukuzwa kwezuba kusika kumabbililo aalyo, zina lyaJehova lyeelede kutembawulwa.
4
Jehova ulisumpwidwe aatala amanyika woonse, abulemu bwakwe bwiinda majulu.
5
Ngwani ulimbuli Jehova Leza wesu, uli aachuuno chakwe aajulu,
6
uulanga nyika kuzwa kujulu?
7
Ubuswa bachete kuzwa mutombe akunyampula babula kuzwa achaala,
8
kuchitila kuti akamukazike antoomwe abana bamwami, bana bamwami wabantu bakwe.
9
Upa muunzi kumwanakazi uutazyali weeng'anda; umuchita kuti abe mwanakazi walukondo wabana bakwe. Mutembawula Jehova!