¹ malla agu angwuagumi tariki matada lahi moiri jaka dana buatumangu agu patomangu nahilu lahi jiami toma nyiami kukarawa kumaromatugumi. ² Mima ngeaat kiji daahu dama bani jaka mima ngeaat jelaja dama pahalakuya nana ngadangu dama kalungu jaka mima ngeat jelaya nama pamalaragiminya namorikumi. ³ Ya jididaka iata touwu nama pedanguma lara nama mokuluka rada tahagana hi wolu hi rawi jaka nama pabuatuya namourida nama raba yesus dama wainya natanogu tanogu nama jaji. ⁴ Langa kaeidingu karabagu walinguta patagu manya a eijela kanguka touhawanguka nama pangada dama kalungu nadangu naka rabana awinna pangadangu dama kalungumaya. ⁵ Agu malara awaluboa ladagu toungu natou ta israel nama eimemanya waling ta wala wuana na tou menyamin na tou ibrani nama pahilu ibrani namahaniera noungu tatou parisi. ⁶ Waingu pangadangu dama kalungu ana kayayakungu na tou nama pakeri tama wahangu jidinguka ta wawa rana hukung nama galuwa daku gigara dengamanya. ⁷ Jaka nou touna nama kawungnga pa utudenganguya jidinguka ku pangada balinya kangari parigi denganguya. ⁸ Na buatu, tangala dukana napa rugi dengangu tadalu aguhangngi denganya nama rabba yesus kristus namourida. ⁹ Agu parega dengannya nama Rabba Yesus kristus waingu pangadang wikigu ku kolinya. jaka nama amijellanya nawua manningu tama Rabba Yesus Kristus jiajellaya nawua maningngu nama walingu Allah. ¹⁰ jaka noutouna nyouwa kakupeanya ajiaya nama taluyana mati jaka nama kidibali mangnga naka hangi dengannya tadalu nama lara, toma kata kahangingu dengannya lahi duna nama moriku malodung. ¹¹ Peala atapahupu kayaka kata kolinya nakidi bali mangu ahingu walingu ta joanga toumati. ¹² Dajiamaya agu koliya jaka agu paruwainya nama kalungu, manyeramemagunyaka kakulinya agikineina namourigu nama rabba yesus kristus ana waiwihi limaga. ¹³ Agu angwuagimi dagikimagu noutouna alanga kolidigunya,einya napalakugu, jaka napa dengagu nama einya taka deanga nama haga noungu tahagagu. ¹⁴ Atu pangalaga agu hagangu alangnga eingu pakabuatigu kakukolingu kanyuru awiggu, ya jidiyaka nalikawulang nama walingu taawangngu mangada nama waling lahi Allah liya tama Rabba Yesus Kristus. ¹⁵ Maiyaya iata nama murahu pangadunguna ata pangadungu jaka nou touna nyiami ami pangada tounou dinguka jiayaka nama deha, hi Allah angapatekadinanya jaka napeka peaka pakalludigimika kammi pahalaku pangalanya. ¹⁶ Maiyaya kata pangalanya namorikua ata keri nounya nama wahangu ¹⁷ Agu anguwuagimi keripangalakaya nama mading napa halakumi jaka mipateti jelanya kammi paati jelaya da tou mapakeri tama wahangu alangnga itadiminyaka nama waling lahi nyiama. ¹⁸ Duku danguyaka natou nama moriku yanaga langa kanahukadinya ati nama Rabba Yesus Kristus. ¹⁹ Namoriku kadika napa mohudengangu awainya hi Allah jidinguka tutu tagunaya ana bijahiya tapinu atina, jaka namokkulu karada manga nata nogu ahapaha lakuya awainya napangadungu pinu tana. ²⁰ Na tou nama eida tapinu tana merajelana a eida ta surga, biyasaka iata ata riki matada ata nadinya na ana woanya rara nama rabba yesus kristus. ²¹ Engnga pahepananya na ihina nama manyarik hina jaji ana murahu mangnga hina buangu wainya na atina nama madangu ana keriya nama rabba yesus Kristus. Namorurida hika kristus engnga idinada tama kalungu hita pikimatada.