¹ Napa nouna na hi Paulus nama namaeinya ta gallu hukung mulana nangarana hi Yehu Kritu, jaka namawalingu lahi Timotius na anguwuada napapatomangu lahi Filemon, naoali ati jaka naoali deitu tidungudanya napakerangu lahi Moiri. ² Jaka lahi Apfia na anawinida oalida hi Arkhipus. naoali pahalakudanya,jaka natouw namahabaya noumgu taumamu. ³ Kanahapurukanya jaka kana paawi panamungu walingu lahi Allah Amada, jaka walingu lahi Moiri Yehu Kritu. Kupamalangu reihiya namaningu jaka napanamunguna hi Filemon ⁴ Kupamalangu reihiya hi Moiri Allahgu witi namumi nyiami ta dalu habayangugu, ⁵ alanga rangugunya nawiti maningu jaka napaawingu lai nyiami lahi Moiri Yehu jaka ngara dukana natouw manningu, ⁶ Kuhabayaguminya kana kahangingu namanningumi kana binuka nama kallungu namaeinya lai jiata witina hi Kritu, ⁷ Duku egiatiwa jaka nakali hodaru waingu panamungu ana palinougiminya nyiami, amipaanguwuangu, naatina natouw pawagina napamoriku balinanya. ⁸ Nou nammu, alanga paoaliwaigunya nawaingu manning mabakulu lahi Kritu jaka napapareahakaha lahi nyiami amipahalakuya napatagumi, ⁹ Nouw nammu alanga panamungu namadeha kukareimi lahi nyiami. Ya nyouwa, Paulus kukaweadaka, jaka yaladu, kutamaka tagallu witina hi Kritu Yehu. ¹⁰ Kukareiwu natuana naanagu hi Onesimus, napakoligu akutama tagallu, ¹¹ damaeingu padouna yannaga atounak nouwu napatua oata lahi ouwu jaka lahi nyouwa. ¹² Ku paleawaguya napadokunamu oatagu anabali tahagamu ¹³ bakalangu kakupaenganya ta gallu kakuoalinya kanaheapaya anauruhuwa mulana nawinina hi Moiri wigukading. ¹⁴ Jiadinguka adana hawaliatikanguka lahi ouwu daku daku pahalaku oatamaya wainya naati meahagu, kanapikihawaliati amupahalakuya namakalung. ¹⁵ Namahamulang hipamaroulettugunya hi Onesimus kanaabbutbaliya abinahillu marounya widagu , ¹⁶ kana pikipaliananyaya , dajiapakawa nyouwa , pareihingu ouwu amuananya tadalu ngarana hi Moiri. ¹⁷ Jaka amupangadahingudiga aoali kerangumuga , mubuhanya hi Onesimus mearana nabuhamuga nyouwa. ¹⁸ Jaka eikanguka halana lahi ouwu anapautang, kutagukaja nyouwa. ¹⁹ Nyouwa hi Paulus ,kutuli wainya limawikigu : Nyouwa daku hilu namumahah ganakanaja dapautamu tadalu morik meahamu. ²⁰ Jia, akuanguwuagu, anakaya tadaluna hi Moiri kakukolikangu makalung waling lahi ouw.Pamorikiganya naatigu tadalu Kritu. ²¹ Mulana akupeagunya namarenamu, hikutuligunya nei na hurat, mulana akupeagu amupahalakuya namareihi walingu napakareigu. ²² Nounamu hadiakadiga padoujudagu mulana akumaninya amuhabaya pangalangu, nyouwa kupiaku akubali lahiouw. ²³ Epafras, naoaligu tagallu tadalu ngarana hi Yehu Kritu,napangidigu hilu, ²⁴ tanou jellana hi Markus ,hi Aristarkhus, hi Demas, jaka hi Lukas, daoali kerrangugu. ²⁵ weimaringu weimalala mawalingu lahi Yehu Kritu kanna oali maraikagunya nadeawamu.