¹ Manga eiwalinyak hi Yohanes Pembaptis, nam papeaka panungang ta mareda kapubung Yudea. ² Winna napa tikina, ''Keriyaya nalarangi kallung, maraninanyaka naaminya hi Moiri walimg ta Surga.'' ³ Jiaka napapanewina hi Yesaya ,''Einya nam patiwung; Wolunya larangi ta mareda kapubung hi MOIRI.Palijakunya larangi ta kapubung na Moirida jiata.''' ⁴ V 4 Da ngawu dapa pakenana mawaling ta wulu untah jaka na kalarru bagi kalittu napa piwainanya na bagina.Napa anguna manning kapudu jaka kaneanananya. ⁵ .Ngaradukana na tou Yerusalem amibolunya lahi duna, na Yudea jaka ngara dukana na loadana na Yordan. ⁶ Mang jiaka hinna Ihhuha ta Sungai Yordan hida mangaku bolluja doaku jalada. ⁷ Mang anaittahaka hi Yohanes da tou farisi jaka da tou saduki aamija tapingi paihhu,winajak, ''Nani nyiami tou da rangu ,gearaya nam peakagimi himi palai ami paheiliya nam bani taladu nam aminya. ⁸ Atanoukana mipaheapanya napa ngadangumi dam kallung kammi pikikolinya napangadang nam buang, ⁹ mang abihilu tikiwikikami,yanyiama amamanya hi Abraham abiwimkang,ga hi wigunougimi, kajiajellaha da watu ngodu napeangu na maraba Allah anapajajinaja anana hi Abraham! V 10 Ha dakataka lima eijaka tabo'u pingi ai,mang da pingi ai dam wua kallung jiahaka daha pogu dappa taungu api mang hi tunuha. ¹¹ Ya nyouwa ihhu waigugimi wei nam pawarahumi,enga aminyah tahabaligu nyouwa nam reihi napeanguna, dakku hameara dengama-Nya ,jappak ta tara wihina danamoadamang akupaheilinaja jaka akuidinaja.Jiaya nam ihhu waigimi Hangahu Biaha jaka api. ¹² Natippi eimemanya ta lima-Na, napa pawarahuya napingi hapeabunguna, na kehaya namaruahu pari mang hinna buriya talepit. Nakapeana damma eingu ihina taunaka api dapahilu piakungu apeddaya. ¹³ HI YEHU ANAIHHUYA HI YOHANES PEMBAPTIS. V 13 Aminya waling ta Galilea hi Yehu anatomanya hi Yohanes kanna piki ihhuwa awinna. ¹⁴ Jakajiaka hi Yohanes dana mang hi winna-Nya,''Nyouwanguha napa ihhu-Mu, mang gawali hi Ouwali nam aming lahi nyouwa? ¹⁵ Napa gaping hi Yehu winnanya, ''Atoukan yayi kerihingukadiya,tanou memanaka namajaji lahi jiata kapiki pahalakuya ngara dukana namakallung.Jiayaka dunna hi Yohanes hina keriya napa winang hi Yehu. ¹⁶ Anamengak paihhu hinna lohung wali tawei, ittadanyak na awang anataweha mang Dunna hinna itaya na Waddina na Maraba Allah anapurung mearana na mawurung merpati anaherang tapinu kabakki-Na. ¹⁷ Mang rangudanyaka namapanewi waling ta Surga , ''Nei einyaka na Ana-Gu napabuha-Gu, Jiayaka nahawai-Gu.