¹ Ya namaina jaka na wuatunguna,wali atigu aku kareiwu tahagana hi Allah jaka lahi Yehu kristu, nama hukunya nama morik jaka nam mati ² Patomanya na wini na, kamu kaya nama kallung jaka dama kallung ta hagamu,peakanya, panunganya kamu hamadi wai nya nama loayangumu amu peakaya. ³ Jaka, ana toma kayaka narahina a dada hilu wainya na liha peakang,naka kabalina,da keriya napa ranguda ada keha ha da tou peangu ada keriya naha wuku atida ⁴ Duda dada hillu wainya nama kallung jaka habaling danya ta paneaka ⁵ Jaka jiami, pa atingu tadalu morikumi, wainya taha dukami, pahalakuya na wini na napa tagumu, jaka mu pahupu kiya napa peakamunya. ⁶ Kali ka i na nyouwa papamurahuwaka toungu ba,a pamalangu ya jaka narahi halakugu toma danyaka ⁷ Nyouwa kumenga yaka naha wolugu nama kallung; ku mengayaka napa taungu, nyouwa ku karawa ya na wini na ⁸ Ya atouna ,na morikugu taladu nuttu hi moiri na woagaka moriku malodungu, da jiapakawa,jidi tangala dukana na tou rara nama kamadinya na amminya. ⁹ Kana pangadang ka amiggu lahi nyouwa ¹⁰ Witina hi Demas,aku dujjakuga witina ana buhanya na pinu tana ana halaku ta Tesalonika.nahalakuka ta Galatia jaka hi titus ta Dalmatia. ¹¹ Jiapya hi Lukas nama oaliga, lipa dekiya hi Markus kana marainya, jiaya naha waigu a pahalaku nawinina ¹² Kupalewayaka hi Tikhikus ta Efesus ¹³ Jaka amikaguka idiya na koapi napamatana lahi Karpus ta Troas jaka da huratugu, pa rerehing tanngada dama manuatungu. Alesander, nama tagu wolu bihi,naparugi hinguwa. Hi moiriha nama pa geananya tangana naha wolu na ¹⁵ Mu pa aati jellanya a jiaya nama hudanya a gananya naha peakada ¹⁶ Napa tulungugu taka wungana, da eimangu ha tou tekka nama oaliga tanga kehada da dujjaku gaka. kanyurukana abi napa geadaja. ¹⁷ Atonounaka, hi Moiri na dedi takarahagu jaka napa kulli huwa jaka parangu gunya nawini na jaka ngala dukka da da tou yahudi hida waingu wali nounaka hiku malouhu ta aa singa ¹⁸ Hi moiri na gataga walingu tama jaka tama jala, nama raiga ta awang jaka na moriku malodungu. ¹⁹ patoma ganya naligu lahi Priskila jaka hi Akwila, jaka tanga kehada dama eija ta umma Onesiforus ²⁰ Eratus kana enga pangalangu ta Korintus, jaka Trofimus ku pa enga nya ta dalu hidu ta Miletus ²¹ kami namuya ka amigimi nimi adadi rahi maringu. Ebulus, Pudes, Linus, Klaudia, jaka ngala dukkami nama hawai ku pangidinya na ligu lahi ou ²² Hi moiri naha didiwu. napa namungu nama raigu.