1
Na aminya hi moiri nama ranika, iata nama langa ka hanginguna lahi moiri YESUS
2
abi panyangaya napa ngadang ata ranguya hi moiri ana purungu ta pinu tana.
3
Abu kilolumaya na touwu nama irihuwu ta lara dama kallungu. adadi tomaya naladu dama kallungu einya
4
Nama pajaga wikina tapinutana kana kahoru karadanya na tou rara awina.
5
Mi namu jella kadiyaha nyiami a eiga aku oaligimi,badi peakagugimika
6
ya ladu mi peakadinya na pattuya ludu atomaya narahi aminya
7
nama habuatungu pahalakunanya dama kallung, a tonouna einguha ma pattu ya lapakungu hinna pamarounya.
8
Mangalika hunga nanyaka na touwu nama habuatung. a tonouna hi moiri wiki nama hamatiya wainya nabihana taladu na rahi aminya
9
Na aminya na touwu habuatungu idi nanya napa woluna na moiri tana nama pateka jellanya na bihana, jaka na wallukuna
10
Mangalika ngara dukana naha woluna
dama kallungu jiaya nama idi douya talarangi mati nama kapetang.
11
Jiakadiyaka hi moiri hina palija taha dukka bakul da touwu dama wainya
12
hina huku bolluja dama keriya nama kallungu.
13
Angu wua ana winni napa namuna hi moiri, Nyiama mapa ma langu ya hi moiri mulami nyiami. alanga pedi nagimi hi moiri kaku paluputuha a winnagimi tadalu biha madina ta lara nama kallungu
14
Ka to nouna wina gimi hi moiri hina kamaika gimi ta larangi makallung, da papa toma dagimi manga hiliya nama kallung nama walingu lahi moiri yehu karitu
15
jiayaka aku oali jaji gimi pajukka pangalanya napa nungangu naha peaka nagimi waingu panewi jaka ta hura tuma.
16
Anakaya dunna na moirida hi yehu kristu jaka Alla Amada nama woada egi ati, pingi paharaidanya na morikuda nama pakanyuruda
17
Nama pakullihuda tadalu kettang jaka na hiluda nama kallung.