¹ Mba deku koge, loddo na Mori nya mba ammege, wendawe ne a engana paddo pondo paddowe ne tillu dongami. ² Yowa engana apa kuwa ngara kuwa ndi iya padou ga'i kana mangewala Yerusalem, ne kota enga ge mba wendawe, umma-umma enga ge mba saikaradi, monno mawinne-mawinne engana mbapa dura- mbapa durawi. Ne a ngobba wali penduduk kota nya a kako pa dou paletto wa'indi, engana seipa wali umat neike nda enga kige mbapa muwawi wali kota neike. ³ mba dommo pa, Mori engana tukke pa tauna gobba ndi iya padou-iya padou na tudda Nya apa tauna nati loddo mbapa tauna. ⁴ Nati loddo waina, wa'ina engawi mbana dangi ne letena Zaitun na mbondala ne aro Yerusalem ne tumana timur. Ne lete Zaitun engana mbana ma bokkawi dyada wali timur ke barat nyawe kana ndadiwe iya lembah aka ladda langu takkana. Ne a ngobba wali letena engage mbana berru ge ne utara monno newe a ngobba ne tuma selatan. ⁵ Yo'u engana malle dekuge lembah pegunungan-gu, mba nyawe gunung a engana kole ndi waddeka. Yo'u engana malle tuddawe yo'u a malle mba ororna epu tanah nati zaman Usia, tokko Yehuda. Mbage Mori, Mawolo Marawigu, engage mbana palolo ndewi atata-ata pama ringngi- Na. ⁶ Hitti waina, daiki engana ne mangewala, waige kalikka, monno loddo engage aka pottana. ⁷ Enga dommo ge, enga wa'i iya loddo --loddo pa pande na Mori -- daki loddo monno gedde, engana maangewala hitti pona kapu gedde. ⁸ Hitti waipona, we'e patoleka ndenga enga ge mbana kokora wali Yerusalem, heida waddeka sangga ne bonnu Timur monno heida wadeka sangga ne bonnu barat. Parawi newe enga ge mbana pakita ge ne musim panas monno musim dingin. ⁹ Mori enga ge mbana dadi tokko ne ngara kuwa ponu tanah. Mori nyadona iya-iya monno ngara-Na nyakiddo a iya. ¹⁰ Ngara kuwa negeri newe enga ge mbana ma wungnga we olenadi tudda Araba-Yordan, wali Geba dukki ne Rimon ne tiddina selatan Yerusalem. Kota neike enga ge mbana penne ge ama deta monno enga dangi'da nepa dou'da, wali Binna Wanno na Benyamin dukki padou binna wanno a dukki ullu, monno wali ne Binna Wanno umpuna, wali tolakana Hananeel dukki ne padou kapassu wai anggur na tokko. 11 Penduduk engana dangi ne dyanana, oro daki enga wai dommo mba woro ge. Yerusalem enga kanawa na. ¹² Ne nyawe tulah a engana payana Mori ne- iya padou-iya padou a pama ngewalawe Yerusalem: kana'ada hidda enga ge bana bouwe nemba enga pudi a dede ne ponnu wa'ida hidda, mata 'da enga ndi mba mbou ne damangu i'na, monno lomma'da hidda enga ndi mba mbou ne ngada ndana'da hidda. ¹³ Hatti loddo waina, kangammuka aka laddana wali Mori engana mba wenna wi hidda. Ngara ata engana makette wekina limma monno a keketa limma na a gobba ndi olena. ¹⁴ Yehuda kaina engana apa tauna ne Yerusalem. kole'da iya padou ne killora'da hidda engana apa kuwana, nyawe emas, perak, monno kalambe a luwa langutakana pakirah. ¹⁵ Tulah tudda kaiwe newe a engana ryaka barra dara, bagal, unta, keledai, monno ngara kuwa ranga a nena kareka-kareka ndana neike. ¹⁶ Mbage, ngara kuwa ata seipa wali iya padou-iya padou hitti atti mbana patauna Yerusalem enga wali mbali'da iya dou-iya dou mbaka kawoddo mba nomba wa na Sang Rato, nyadona Mori rawina langita mono tanah, monno a raya ge loddo raya Pondok Daun. ¹⁷ Tudda na wai ko ata-ata ne tanah na ammena ne Yerusalem ga'i mbaka woddo nomba barra Sang Rato, nyadona Mori rawina langita monno tanah, hidda enga nda kolewi urra. ¹⁸ Nawa kaum Mesir dana beikona mai monno dama dikkira, hidda enga nda kolewi urra. Newe tulah engage mbana pa ryaka Mori barra'da iya padou-iya padou nda beina ammena raya ge ne Hari Raya Pondok Daun. ¹⁹ Ne nyawe pareta barra Mesir monno pareta barra'da ngara kuwa iya padou-iya padou nda beina ammena mba rayage Hari Raya Pondok Daun. ²⁰ Hatti loddo waina, Bel lonceng dara engana mbana matulis we"Pamaringi wali Mori!" Kuali-kuali ne umma Moriengana mba tudda bokor-bokor pa burri wai ne aro mezbah. ²¹ Ngara kuwa kuali ne Yerusalem monno ne Yehuda engana mbana pama ringngiwi Mori rawina langita monno tanah, ngara kuwa ata a nyawi marakana engana mba ammewi mbana ndekewe monno mbana pa ti'ina ne dyanana. Hitti waina, daki a engana dommo na ama mbatta ne Umma Mori rawina langita monno tanah.