¹ Newe nyawe lii Mori tubba Israel. Lii nawe Mori a wekarana langita, a mbondalawe kere tanah , monno a rawina ngawu erri ne barra ata, ² Mba ndeku koge, Yowa apa dadige Yerusalema a nda'di pasu-pasu appa kindorawi ngara iya padou ne killorana, hidda Yehuda alami we kesusahan orona Yerusaalem mba komba kadi ³ Hitti waina, Yowa engana apa duwa we Yerusalem togo pa toddu'da ngara kuwa bangsa. Gara kowa a keketa nya ama nu'a langu takka. Ngara iya pa dou ne ponu tanah nap kuwana tubba mbana kako patauna. ⁴ Hitti waina, dukka nawe lii Mori, Yowa engana raidi ngara kuwa dara mba nangngana, aka letewi kupa du'a wi. Ponu nawe kaum Yehuda, Yowa engana a wukke wi matagu, nya kiddowe ngara dara iya padou-iya padou enga di mbaku raidi mba mettena . ⁵ Amme ndommowi, Rato Yehuda enga ge mbana panewe ne ate ndanana, penduduk Yerusalem a ndouge newe pawessi orona Mori rawina langita monno tanah, mawolo marawi nda hidda. ⁶ Hitti pona, engana rawidi Rato kaum Yehuda na tudda wirro api ne tillu-tillu wasu pa tunnu monno na tudda obor a wegara ne tillu nda loni. Hidda engana appa de'e di ngara kuwa kabissu iya padou ne tubba wello monno ne tubba kawana na, takka penduduk Yerusalem enga di mba dangngi newe padou ndou'da. ⁷ Mori engana mbana gata di kareka-kareka Yehuda newe a ulluna, ga'i hidda nduna Daud monno nduna Yerusalem nda alluki mbapa duwa we tou'da barra'da Yehuda. ⁸ Hitti pona, Mori engawi mbana ma nowaradi penduduk Yerusalem, hidda pongu mbana a dekke ne barra'da hidda hitti pona enagadi mba nda'di tuddawa Daud, monno nduna Daud engadi mba tudda wa mawollo, tudda ata papa tukana Mori a kadi wi hidda. ⁹ Hitti pona, Yowa engana a saikaradi ngara kuwa iya padou a ammena a wolawi Yerusalem." ¹⁰ Yowa engana a mburri we ngawu erri monno ngawu ma ndengi ne tillu nduna Daud, monno tillu nduna Yerusalem, hidda engana appa tu'una barra-gu, hitti keddena hidda padakura'da, monno engana ngi'o wi Nya ole nadi ata a ngi'o wi ana kanuwana. ¹¹ Hitti pona, enga wa'i poge kalangngo akaladana ne Yerusalem, ole nawe kalangngona ne Hadad-Rimon ne lembah megido. ¹² Newe negeri, ngara ndu ndou'da monno mawinne-mawinne nda, ndouna engana kalangngo, hidda keturunan Daud monno mawinne-mawinne nda, kaum keturunan Natan monno mawinne-mawinne nda , ¹³ Kaum keturunan Lewi monno mawinne-mawinne nda, kaum Simei monno mawinne-mawinne nda. ¹⁴ Ngara kuwa kauam a seipa, ngara kaum ndou'da monno mawinne-mawinne hidda aka nuwa."