¹ Mazmur dodowi barana MORI iya dodo baru, orona na rawi bage ne parai a ajaib! Limma kawana-NA a kudus, a paselamatad. ² MORI na tekki bawe selamata-NA, NA tekki bawe benara-NA ne matana ngara ata. ³ NA loloba duwa-NA monno setia-NA barada ngara i umma Israel, ngara lawina ponnu tana a etaba selamata-NA ALLAHda. ⁴ Weila detami barana MORI, yemmi ngara ponnu tana, pakaladage li'imi waina weila deta, monno bermazmurlah! ⁵ Bermazmurlah barana MORI waina kecapi, waina kecapi monno dodo. ⁶ Waina terompet monno punni sangkakala, weila detami ne aro Tokko, na MORI. ⁷ Ne bonnu kanna kedde kanolakana, monno ngara kuwa a wa'ina ne danana, ponnu tana, monno hidda kuwa a dangngi ne danana! ⁸ Ne ngara loko a kapokukadi limmada, hidda ngara lete a weila deta dobba, ⁹ ne arona MORI, orona ammi-WI bana hakimiwe ponnutana. NA hakimige ponnu tana waina kebenaran monno kabissu ata waina keadilan.