¹ Tabayya Daud. Patidigai katillu-MU, o MORI, monno wale aga, orona youwa ku milla monno dengo. ² Jagagai dewagu orona ku saleh aga, WO'U ALLAHgu, selamatagai ata-MU, Paselamatawi ata-MU, a waige ne dana-MU. ³ Manawaraga, o MORI, orona baku kawula bara-MU loddo mangeda-ngeda. ⁴ Raigai na dewa ata-MU bana weila deta, orona bara-MU, o MORI, ku keketa dewagu. ⁵ Orona, WO'U, o MORI duwa monno pengampun a berlimpah kasih setia barada ata a kawula bara-MU. ⁶ Rengnge, o MORI, tabayyagu, pacetiga li'i madengngigu. ⁷ Ne loddo baku susah, ku kawula bara-MU, orona WO'U MU beige bu waleaga. ⁸ Da'iki a hinnana WO'U ne barada ngara allah, o MORI, atau ngara papawillina a hinna kaina papawilli-MU. ⁹ Ngara kuwa ata parawi ba-MU, enga ammidi monno a nomba ne aro-MU, o MORI, monno a weila detaogo ngara-MU. ¹⁰ Orona, WO'U MU kaladana monno MU rawige ne pakarobba wai, WO'U kidona ALLAH. ¹¹ Panungagai lara-MU, o MORI, ku kako kebenaran dana-MU, patabolakaga ategu baku mandautago ngara-MU. ¹² Ku weila deta bara-MU waina ategu, o MORI ALLAHgu, ku weila detago ngar-MU mori wali-mori wali. ¹³ Orona, kaladage kasih setia-MU baragu, MU pasillibagai dewagu wali madallena pandou ata mate. ¹⁴ O ALLAH, ata a keketa wekkina a kedde bana bagobbaga, gerombolan ata kejam, da ta'i wa'iga, a kalemataga lolo ngaugu. ¹⁵ Takka WO'U, o MORI, ALLAH a berbelaskasihan monno duwa ate, WO'U du baniki monno naluwage kasih setia monno kebenaran. ¹⁶ Madikkirawu baragu monno manawaraga, yaga pawessi-MU barana ata-MU, monno paselamatagai ana kabani ata-MU mawinne. ¹⁷ Patutuga baragu tanda duwa, ngga'i haida buttu atega ka etawe monno a pamakkewi, orona WO'U, o MORI, mu tulu baga monno mu hiburaga.