¹ Barada a kapalage dodo: dekuge Gitit. Mazmur anana Korah. A manawarago pandou dangngi wa'i-MU, o MORI a douge ponnu tana! ² Dewagu na rindugo pelataran-MU MORI, a maba, ategu monno kana'agu na weila detawa ALLAH a toleka. ³ Louka, ngara keila pipit a kole bana iya umma, monno ngara keila a lera netti kabubu a tuba bara douna, pandou pata'i wa'inandi ngara anana, ponnu ngara mezbah-MU, o MORI a douge ponnu tana, Tokkogu monno ALLAHgu. ⁴ Na maringngina ngara ata a dangngi ne umma-MU, hidda a deika-WU. Sela ⁵ A pamaringi kundi hidda a dangng ne umma-MU, ne atena a ne'ina ne nagara lara pepe a aro netti Sion. ⁶ Ba kako balawiwe lembah Baka, NA ta'ige mata we'e a tuba barada, monno urra ullu a todi waina berkat-berkat. ⁷ A kako waina pawessi monno pawessi, batabboka ALLAH ne Sion. ⁸ O MORI ALLAH a manguge ponnu tana, rengnge gawe tabayyagu, yawi katillu, o ALLAH Yakub. Sela ⁹ Etawe perisaima, o ALLAH, pacetina mata ata paurapi-MU. ¹⁰ Orona, duwapo iya loddo ne pelataran-MU, daripada rata loddo ne pandou eka. Ku pede poddo ne majaga ne ambang binna ne ummana ALLAHgu, daripada ba engaga ne ngara kema kefasikan. ¹¹ Orona, MORI ALLAH nya loddo mobno perisai, MORI nayada anugerah monno kemuliaan, danna pattukiwe a duwa, barada a kako duwa dana. ¹² O MORI A Mahakuasa, namaringina ata a wai-GU!