¹ Mazmur dodona Daud. Youwa ku wunda-WU, ALLAHgu, o tokko, monno ku deikagowe ngara-MU mori wali-mori wali. ² Iya loddo iya loddo ku nomba-WU, monno kudeika-WU mori wali-mori wali. ³ Na MORI nakaladana monno padeikawa takkawa, ne matto-NA dappa tekki bawe. ⁴ iya dadi-iya dadi a deika-GO ne ngara papawilli-MU barada a eka, monno a tekkiwe ne perkasa-MU. ⁵ Mboto keagungan-MU a allu wegarana monno ngara papawilli-MU pakarobba dengnga, ku pangeddadi. ⁶ Hidda a tekki gowe ngara parawi-MU a allu, monno youwa ku tekkigo ne maromba-MU. ⁷ Hidda a burrige ngara papangeddada ne ngara duwa-MU, monno a weilage benara-MU. ⁸ MORI na duwa ate monno manawara-NA, danna bani awaki monno na alluwe kaladana duwa-NA. ⁹ MORI na duwa bara ngara kuwa, monno duwa-NA wa'ige ponuna ngara parawi-NA. ¹⁰ Ngara parawi-MU a wunda-wu, o MORI, monno ngara ata a mbi'a a weila-WU. ¹¹ A tekkiwe ngara mbi'ana mandi'i-MU, monno a tekkigo kuasa-MU, ¹² ka tekkiwe barada ngara anana ata parawi-MU apa allu kalada-NA, monno na mbi'ana keagungan kerajaan-MU. ¹³ Ne kerajan-MU kerajaan a engage, monno ne pareta-MU barada ngara a dadi. MORI na setia ne ngara li'i-NA monno na duwa barada ngara paparawi-NA. ¹⁴ MORI na tema kuwawi a warraka, monno napakeddewi ngara a runu. ¹⁵ Ngara mata ata a rema-GU, monno-MU yadi panga'a dukkiko rapana. ¹⁶ MU wukkewi limma-MU, MU padadida kambu ateda ngara a toleka. ¹⁷ MORI na benara ngara lara-NA, monno na duwawe ngara parawi-NA. ¹⁸ MORI na barradi ngara a kawula bara-NA, barada ngara a kawula barana ne setia dana. ¹⁹ Na ponnuda ngara kambu ateda ata, a mandauta-WI, NA rengngeda ngi'oda ba dengngi tulu, monno napaselamatawi. ²⁰ MORI nalindungai ngara a manawa-RAI, takkangara ata fasik na pamate-WI. ²¹ Ngadagu natekkiwe deika ngara-NA MORI, monno ngara tougu nadeika-NA ngara-NA a mbi'a mori wali-mori wali.