¹ Dodo Ziarah. Lolowe, o MORI, pongngu Daud, ngara kuwa millana. ² Peina bana aura barana ALLAH, monno bana bernazar barana A Mahakuasa Yakub. ³ "Tetakka, dakku tamaki ne kemah danagu, atau ku beika ne andou dura wa'igu. ⁴ Dakku ngga'iki na matagu bana dura, atau bana mate durana kelopak matagu. ⁵ Dukki baku tabboka pandou tubana MORI, iya pandou padangngi wa'ina A Mahakuasa Yakub!" ⁶ Eta, marengnge bawe ne ne Efrata, matabbokawe ne mareda Yaar. ⁷ "Maiya kata kako ne pandou dangngi wa'i-NA, maiya kata kawodo bara tana wa'i-NA!" ⁸ Kedde, o MORI, ne pandou peristirahatan-MU, WO'U monni tabut pawessi-MU. ⁹ Ngga'idi haida imam-MU a pakalambena kebenaran, monno ngara ata sale-MU a weila deta. ¹⁰ Orona, demi ata-MU, Daud, du madikkirakana wali mata detada ata paurapi-MU. ¹¹ MORI na aura bana setia barana Daud, dappa tengngi bali-NA: "Wali uwa wekkimu KU ta'ige ponnu takhtamu." ¹² Haida anamu jagako-GA aura-GU monno ngara peraturan paajargu barada, haida ngara anana a mandi'i kaina ponnu takhtamu mori wali-mori wali." ¹³ Orona, MORI napedeba Sion, NA beige bapandou padangngi wa'i-NA. ¹⁴ "Ne nyaba pandou paistirahat wa'i-GU mori wali-mori wali, YOUWA KU dangngi aga ne orona nyabawe pandou pabei-GU." ¹⁵ "YOUWA KU pamaringi-WA wain berlimpah-limpah panga'ana, KU pabekutanadi ngara atana a millana kababa. ¹⁶ Ngara imamda KU pawennada keselamatan, monno ngara ata salena waina weila deta. ¹⁷ Ne'e, KU patimbunai kaduna Daud, KU siap banai iya pelita paurapi ba-GU. ¹⁸ Ngara gobbana KU pamakkewi, takka barana, na wegara mahkotana."