¹ Barada kapala dodo. Mazmur Daud. DU kanawa kanna, o ALLAH, weilagu. ² Orona, ngada ata fasik monno ngada ata mapodeta namawukkewe baragu, a panewe dengngaga waina lomma mapodeta. ³ A kopa wian panewe buttu ate, monno akeddega da mangngu tubana. ⁴ Bagobbana ne manawaragu, a padouga, takka enga doa aptirrigu. ⁵ Hidda a balasaga duwagu waina bokala, buttu ate deluna duwagu. ⁶ Patutu iya ata fasik kagobbawi, monno ngga'i iya pendakwa a dede tuab kawanana. ⁷ Ba hakimikowa, ngga'i kanna louso wali kebesalahan, monno ne tabayyana ka dosanai. ⁸ Ngga'ige ne ngara loddona na singkatwe, ngga'i na ata eka kadedena ne paterrena. ⁹ Ngga'idi ngara anana ka ana lalowi monno minnena kaminne waluwa. ¹⁰ Ngga'idi haida anana kakeluyuran monno mengemis, ngga'i ka madengngi wali a boddoranai. ¹¹ Ngga'i na ata a patadadi wutta kata'i irra bara ngara 'douda, ngga'i na ata eka kadededadi ngara parawi limmada. ¹² Ngga'i kada'i pongngu kanna iya ata ka padoladi manawara barada, atau wa'i iya ata a manawaradi ngara ana lalo. ¹³ Ngga'i na pakitadi a tumpasai, ngarada a opi wali generasi a ammina. ¹⁴ Ngga'i ne ngara salada ina-ama kawedama a lolowi aro-NA MORI, monno da ngga'i kangge dosana inana ba opina. ¹⁵ Hidda kaenga patirrida aro-NA MORI, kanna pamoddada papalo dengngada wali ne ponnu tana. ¹⁶ Orona, da lolokiwa kaputuge duwa, takka a wolawi ata milla dengo, ata melarata, monno ata a mubbuka atena, dukki ba pamatewa. ¹⁷ Na manawarai paweli, ngga'i kanna wenna douwe barana, danna beikina maringina, nya kanna marrowe. ¹⁸ Na pawennage ne paweli bakalambena, nyakanna matamawe wekki danana, ekakowa we'e monno ekakowa minyak netti ruwi danana. ¹⁹ Ngga'i kangngu kalambe a wokotai, ketekombu pawai patirrina. ²⁰ Ngga'i nyaka tau tanganandi ngara goobagu wali barana MORI, monno hidda a panewe bokala bara dewagu. ²¹ Tetakka WO'U, o ALLAH, MORIgu, bertindakau palolo dengaga waige ngara-MU, orona ne kasih setia-MU na duwawe, pasilliaga. ²² Orona, youwa ku milla monno denga, monno ne ategu na manu'awe wekki danagu. ²³ Ku muwana ekakowa ninno ba wa'i, a kombakaga ekakowa kabala. ²⁴ Kundogu a terhuyung orona ppuasa, monno wekkigu na kareko, da'iki morruna. ²⁵ Hidda a celaga, ba etaga, a kiddi-kiddi kangge katowada. ²⁶ Tuluga, o MORI, ALLAHgu, paselamataga a hinnana kasih setia-MU. ²⁷ Ngga'i kapandege banya limma-MU, WO'U, o MORI, MU rawi bage. ²⁸ Ngga'i ka kaborroka, takka WO'U MU pamaringima, ba keddeko, a pamakkewi, takka ata-MU a weila deta. ²⁹ Ngga'i kundi ngara pendakwagu a pakalambena kehinaan, monno a wokotana makke ekakowa jubah. ³⁰ Waige ngadagu, ku weila deta barana MORI, ku weila deta-WA ne tillu ata mangeda dana. ³¹ Orona, NYA a dede ne tuba kawana ata milla, kaselamata, wali ngara ata a hukum nai dewagu.