¹ Mazmur Daud. Youwa ku dodogo kesetiaan dan keadilan, bara-MU, o MORI, ku bermazmur aga. ² Ku bijakangga ne lara da bercela. Pirra kongge ba ammigu baragu? Ku toleka waina ketulusan ate ne ummagu. ³ Dakku ta'i kingge ne perkara da mangngu wellina ne aro matagu. Ku buttu atedi ngara parawida ata a memberontak, danna kadakkake baragu a hinna wa'ina. ⁴ Ate a kalego namadikkira wali baragu, daku nauki baku pandege ne a bokala. ⁵ Garra kuwa a caci a ole atana , ku ppamatewa. Dakku pattu wekki kina wali barada ata a keketawi matena, monno a madeta ate. ⁶ Matagu wa'idi barada ata a setia ne wanno dana, ngga'i kanna dangngi baraga, nya da kako ne lara da duwa nya bana layaniaga. ⁷ Ata a mapodeta danna kanawaki ne ummagu, nya a tekkiwe ne kawossoka danna dedeki arogu. ⁸ Bana kabu gedde kongge ku pamate kuwawi ata fasik ne wanno dana, ku pamodda kuwawi ngara a rawige ne bokala wanno MORI.