¹ Barada a kepaladi dodo. Deku: Yedutun. Mazmur Asaf. Na li'igu baranai ALLAH, ne li'i ka aulagu barana ALLAH, monno narengngeaga. ² Ne loddo susagu, ku elletawa MORI, bana gedde koge limmagu a mawekkarra takka dana dakkeki, na dewagu danna beikina ba hiburwa. ³ Baku lolo kowa na ALLAH, ku gelisahga. Baku pangeddakoge, na dewagu na madikkira. Sela ⁴ MU terregadi mata kakagu, dakku amanki nyakadanna bisa baku paneweaga. ⁵ Ku pangeddadi ngara loddo a mababa, dou-dou ullu. ⁶ Ku lolowe ne dodogu bana geddege, ngga'i kaku pangeddage ate danagu, monno na dewagu namaretawaga. ⁷ "Nangngu tullarabakoga MORI mori wali-mori wali, monno danna patubabalolokoga? ⁸ Nama babakowe kasih setia-NA mori wali-mori wali? Ne aura-NA namababakowe wali iya dadi dukki iya dadi? ⁹ ALLAH nabulla bakoge bana manawara? Ne bani-NA na todi bakowe ne belas kasihan-NA?" Se ¹⁰ Bage lungguge, "Ne nyabawe milla dengogu, bana ekako limma kawanana A Madeta." ¹¹ Ku lolo kuwawi ngara papawillina MORI. Oh, youwa ku lolo kuwawi ngara keajaiban-MU wali waina. ¹² Ku papangedda kuwawi ngara parawida limma-MU, monno ku tekkidi ngara parawi-MU. ¹³ Na lara-MU na mbiya, o ALLAH. Garrawi ALLAH a kalada ekakowa ALLAH ma? ¹⁴ WO'U ALLAH a pawillige ne da tama katowa dana, MU tekki kuasa-MU ne barada. ¹⁵ MU tebusawa umat-MU waina lako-MU, pawali wa'ina Yakub monno Yusuf. Sela ¹⁶ We'e a eta-WU, o ALLAH. We'e a eta-WU, a mandauta, samudera na magoddoka kaiye. ¹⁷ Kasoba a makebela na legawe we'e, kasoba nayawe li'ina, monno ana panah-MU na malawiwe. ¹⁸ Li'i gemuruh-MU namawoleta, kabillakka napamangewala ponnu tana, ponnu tana namagoddoka. ¹⁹ Lara-MU ne'i bonnu dana, pali wa'i-MU nalawiwa we'e kalada, takka oro wa'i-MU dapa pandekiwa. ²⁰ MU paretawi umat-MU hinna kaina kawanan bebe, dekuwi limma Musa monno Harun.