Jilid Katouda ¹ Mazmur Asaf. Tetakka, na duwa ALLAH barada ata Israel, barada hidda a murni atena. ² Takka, wa'igu na keluta, monno pagagu na beige warraka. ³ Orona, ku iri aga barada ata a keketa wekkina, baku etako makmurda ata fasik. ⁴ Orona, da'iki kepedihan dukki bamate, ne wekkida na morruwe. ⁵ Da'iki susa danada ata. Da timpaki hinnana ata eka. ⁶ Nyaka, keketa wekkina nyabana rewada, kekerasan nyabana kalambeda. ⁷ Matada a kabullaka orona ba morru, ne gambaran ateda wussa-wussawe. ⁸ A kanissika monno waina bokala batekkiwe penindasan, a panewe waina ate a sombong. ⁹ A wukke ngadada menentang langit, monno ngadada a jelajahi ponnu tana. ¹⁰ Nyaka, ammi balidi umat-NA, monno we'e a bonnuna apalina barada. ¹¹ Hiddage, "Peina bana pandege ALLAH? Wa'i kadona pande barana A Mahatinggi?" ¹² Tetakka, nyabana ata fasik, toleka tenteram mori wali-mori wali, a tambawe 'douda. ¹³ Tetakka, netti sia-sia dana bagu jagawe kemurnia ategu, monno ku pariowi limmagu badakupande. ¹⁴ Orona, loddo mageda-ngeda ku wennawaga, monno a tau waga iya loddo-iya loddo. ¹⁵ Lunggu koangga, "Youwa enga lungguge," tetakka youwa ku khianati bawi ngara generasi ana-MU. ¹⁶ Ne'e ga pangeddage kaku pande ne lunggu, na sulit lolowe mata danagu. ¹⁷ Bage kaku tamawaga netti pandou mbiyana ALLAH, bage ku pandege ngara pamababawa. ¹⁸ Tetakka, MU ta'i wa'idi ne pandou a keluta, MU pawarrakawi netti pandou a bukkana. ¹⁹ Da pirra padataki a mate kuwa, amaba sadekka kuwa ngeri dana. ²⁰ Ekakowa kadabanippi na iya bana wollako, o MORI, bama kedde, MU kanissikada ne touda. ²¹ Ne ategu bana ngi'oko, monno ina kombugu namadukawe. ²² Youwa kukabikawaga monno daku pandeki. Youwa ekakowa rang aro-MU. ²³ Takka, ku palolo denga patirri-GU. MU terregai limma kawanagu. ²⁴ MU pasassaga waina papanunga-MU, bage MU ngindiaga netti kemuliaan dana. ²⁵ Garrawi pa'dougu surga dana? Monno, palolo denga-GU, da'iki pabei-GU ne ponnu tana. ²⁶ Kana'agu monno ategu namabawe, takka ALLAH nya lete togo ategu monno 'dougu mori wali-mori wali. ²⁷ Tetakka orona, luwana ata a marro wali bara-MU enga mateda, WO'U MU pamatewi ngara ata a berzina bara-MU. ²⁸ Tetakka, barrakuwi ALLAH na duwawe, ku raibana na MORI ALLAH nya perlindungangu, ngga'i kau tekki kuwana ngara parawi-NA.