¹ Barada pemimpin dodo: Waina kecapi palolowi Syeminit. Dodona Daud. O MORI, du hukumkangga ne bani dana-MU. Du hajar kangga ne murka dana-MU. ² Manawaraga MORI, o MORI, orona baku lemah. Palengngawaga, o MORI! orona ngara ruwigu a kadandaka ³ Nadewagu na allu bana cemas. MORI, dukki pirra kowe? ⁴ Baliwu, o MORI, pasellagai dewagu, patolekaga waina kasih setia-MU. ⁵ Orona, da'iki peringatan bara-MU ne mate dana. Ne padou ata mate, da'iki a tekkiwi syukur bara-MU? ⁶ Youwa kususah payah orona keluh kesahku. Gedde mangeda-ngeda ku ponnuwe padou duragu, ku ponnuwe padougu waina we'e mata. ⁷ Matagu naba'a orona baku seddiaga, rabun orona na ngara gobbagu. ⁸ Eruna wali baragu, yemmi ngara kuwa a raina kawirra, orona MORI na rengnge baga li'i ngi'ogu. ⁹ MORI narengnge baga kaaulagu. MORI nadeibawe tabayyagu. ¹⁰ Haida ngara gobbagu a makke bana monno a allu karobba. Hamadikkirako monno a makkeko.