¹ Dodona Daud. Bara-MU, o MORI, kukeketawa dewagu. ² O ALLAHgu, bara-MU ku waige, du ngga'ikaga bapamakkewaga. Du ngga'i kandi ngara gobbagu ba weila ponnugu. ³ Bata etako, da'iki ata a rema-GU bapamakkewu, hidda a berkhianat da mangngu alasan, hidda bana papamakkeda. ⁴ Tekkigadi ngara cara-MU, o MORI, tekkigadi ngara lara-MU. ⁵ Pimpinaga ne a tena dana, monno panungngaga. Orona, WO'U ALLAH a paselamataga. ole-MU, kunapa-napa-GU iya loddo iya loddo. ⁶ Lolowe manawara monno setia-MU, o MORI, orona ngara kuwana wali waina pongngu. ⁷ Du lolokagadi ngara dosa baku mbo'u, atau ngara palewatagu. Hinna kaina setia-MU , lolowaga, demi ne duwa-MU, o MORI. ⁸ MORI na duwa monno na adil, nyaka napanungai na lara barada ata a dala. ⁹ NA pimpinadi ata a paradaka wekkina dekuge hukum, monno napanungawi lara-NA barada ata a paradaka wekkina. ¹⁰ Ngara kuwa lara MORI na setia monnona tena, a tuba barada ata terrege saksi aura-NA. ¹¹ Demi ngara-MU, o MORI, ampuna gadi salahgu orona na luwadi haida salagu. ¹² Garrawi ata a mandautawi MORI? Napatutunai na lara pakungngu papedena. ¹³ Dewana ne taddona ne duwa dana, monno ngara umbu aibana hidda banna a mangnguge ne ponnu tana. ¹⁴ Papanungngana ALLAH a tumawe barada a mandautawi, enga tekki nawe li'i-NA. ¹⁵ Matagu na pakitana bara MORI, orona nya a kaigai wa'i gu wali irra dana. ¹⁶ Madikkirawu baraga monno manawaraga, orona youwa kanua kiddona monno tertindas ¹⁷ Ne susana ategu na kalada cabage, palousowaga wali sesak dana. ¹⁸ Eta gawe penderitaangu monno susagu. Ampunagadi ngara salagu. ¹⁹ Etawe pirragai gobbagu. Orona, hidda na alluwi luana monno a allu babuttuga ate. ²⁰ Jagagai edwagu monno paselamataga, du palokokaga baku makke, orona ku elleta pandou lindung wa'i. ²¹ Ngga'i koge ketulusan monno benara ba jagawaga, orona youwa kunapa-GU. ²² Tebusawa Israel, o ALLAH, wali ngara susana.