1 Barana pemimpin dodo: Waina Syemmit. Dodona Daud. O MORI,paselamatama. Orona, da'i bana ata saleh. Orona, ngara ata setia na modda bana wali barana ana ata. 2 A tekkiwe ne daduwa barana ole atada. Waina rowiwida a manis monno ateda a kara'a ba panewe. 3 Kiranya na MORI naropo kuwawi ngara rowiwi a manis, monno lomma a panewe kalada. 4 Hiddage, "Waina lomma, ma pawessiama. Rowiwima douma. Garrawi marombama?" 5 "Orona ngara kekerasan barada ata a tertindas, orona ratapan ata a melarat, bahinna ne'e kedde bago," li'ina MORI. "KU ta'i bage keselamatan, ne pabeida." 6 Li'ina MORI nyabana patekki a murni, hinna kaina omma kaka pauji bada ne dapur peleburan ponnu tana, papamurnida dukki pittu kalina. 7 WO'U, o MORI, enga jagaMUdi. MU peliharabai wali ne generasi ne, mori wali-mori wali. 8 Ata fasik a kako mawoleta, ba bowokowe papapennena ngara ana ata.