¹ Appawe, o MORI, BU dede pamarrona? Appawe KU paka bunnige tou-MU ne bama susa? ² Waina kalada ate, ata fasik a rotiwi a tertindas. Ngga'i kundi kawoppawi ne kambu ate douda. ³ Orona, ata fasik, napakatakku dengage ne dewana, monno na serakah mbanna mbawa monno napatedekawa MORI. ⁴ Ata fasik, napatadaka dengngage kalaki korruna, danna elletakiwa MORI. Ngara kuwa papangeddana , "Da'iki ALLAH." ⁵ Ngara kuwa larana na berhasil ne ngara kuwa waktu. Ngara kuwa hukum-MU na madetawi, nggouna paetana. Takka ngara kuwa haida gobbana, dana hitungki. ^{7 6} Hinnage ate danana, "Ne youwa dakku galaki. Orona dakku dukikige neda duwa, wali mememapo." Ne ngadana nabonnu ge paweli, matipu, monno penindasan. Ne kabu lommana na susah monno na bokalawe. ⁸ Na mandi'i ne pengintaian ne ngara wanno, ne pandou pakabunni wa'i, na pamatewa na ata da salah. Haida matana napaserradi ata a dataluwe. ⁹ Na napana ne pandou a kabunnina,, hinna kaina ne bubbu danana. Na hadangngawi ngga'i ata a tertindas. Na woppawi ata mangnguna, na tengngiwa ne irra danana. ¹⁰ Ngara ata da pawessi a mandi'i monno a runu dou-douna , a warraka ne kuasa danana. ¹¹ Hinnage ate danana, "ALLAH na bulla bage, napakabunni bage mata-NA, da ammi bage bana etawa. " ¹² Kedde, o MORI! O ALLAH, padoladi limma-MU. Du bullakawi na ata tertindas. ¹³ Appawe haida ata fasik kakanissikawa na ALLAH? Hinnage ate danana, "DU tuntutba." ¹⁴ MU etaba, orona MU eta bawe susah monno menderitana, na ata dapawessi naya wekki bara-MU. WO'U a tuludu ngara ana lalo. ¹⁵ Patadai lenganda ata fasik monno ata a bokala. Tuntut tada fasikda, dukki bu da eta bawe. ¹⁶ MORI nya Tokko mori wali-mori wali monno hinna patirribawe. Ngara ata a mate wali ne tana-NA. ¹⁷ O MORI, MU rengnge bawe, ne kambu ateda ata a tertindas, MU pawessi dawe ate waida, MU rengnge waina katillu-MU, ¹⁸ MU oledi ana lalo, monno ata tertindas, ngga'i ata ponnu tana, dapamandauta kandi!