¹ Hetti na Sanbalat, Tobia, Gesyem, ata Arab hetti, monno ngara gobbama yamme wadde arengngge mba youwa apa kedde temboka dukki mba dai domma mba bonga na, takka hetti pona ndapa tai'i kipu ngara binna gerbang na, ² Sanbalat monno Gesyem patukai barra gu, panewena, " Mainda itto kata tabboka denga ne Kefirim ne dataran Ono." Takka lage, hidda pa ngedda ge adirra barragu. ³ Hetti lage, youwa pangindidi barrada hidda, panewe, "Youwa a rai bage pawilli aka ladana monno youwa nda ammina , peina ne papawilli kana ngauwe, orona youwa baku gaigenga monno baku tabbokami?" ⁴ Hidda angindi we ne lii, barragu dukki pata wunda, monno youwa adelu we ne wale a hinna na. ⁵ Bage, Sanbalat napatukai papawede barragu hinna lii, na dukki pK limma wunda na, dengnga kabikka surata ne limma ama wukki. ⁶ Ne punnina ne surata, "Na punni mba ne tillu donga da ngara tana wanno monno Gesyem nappa bennarabawe, mba ne youu monno ngara ata Yahudi apa ngedda ge ne makegara. Nyadowe, youu appa kedde temboka. Hinna na hetti berita, youwa dona adadi tokkko , ⁷ bahkan ne youwa kaina daku pediki ngara hida nabi tuba mbapadukki tenmtanga you'u ne Yerusalem, a tekki, "Wai a iya ata rato ne Yehuda! Ne hinna, hetti berita pa renge rato. Takka hinnna, maida itto paenda dobba ge." ⁸ Bage, youwa apatuka ata barrana kana tekki, "Daiki iya pun yemmi atekki ne adadi, yemmi nyakido mbi karangan ge hetti ngara kua ne katouwa doumi." ⁹ Hidda ngara kua abeige mbapama dauta ma yamme, tekkina, "ngara limma da hidda a dadi dakke tuba pawilli, monno hetti temboka nda bakipo." Takka, Oh Yallah, pawessi gadi limma gu." ¹⁰ Takka youwa maku tama ne ummana Semaya, ana nai Delaya, ana nai Mehetabeel, papakka dai ne ummana, nya a tekki, "maida itto kata tabboka kawa nee umma na Yalla, danana baita suci. Mainda kata todi ngara binna Baita Suci oro na hidda a ammina mba pamatewu. Ne gedde hidda ammina mbapa matewu." ¹¹ Takka, youwa atekki, "Ne hidda ka eru wekki ya na? Garra kuwi ahinna youwa a kako nee Baita Suci dana apa tolekawa urra dewa? Youwa daku tama kiwaga!" ¹² Youwa kusadar monno kuyakin Yalla ndana patukaki nya, takka nya padukkige mbana gobbaga orona Tobia monno Sanbalat bana bayara rai. ¹³ Tuba nee nya bayarai, kaengage baku dautawi monno mbana raige ne'e hal sehingga youwa kaku sambaya. Kahinna we, hidda appa bouga ngaragu lenga hinna youwa ka langi lira. ¹⁴ Oh Yallahgu, loowi Tobia monno Sanbalat ahinna wai'ina ne'e parawi hidda. Monno lolo nabi minne Noaja monno ngara nabi eka wadde berusaha kapa dautaga youwa. Temboka namababa ¹⁵ Lenganapa, kana mbawi temboka ne loddo aka dua kabullu limma wulla Elul, ne 52 loddo. ¹⁶ Ngara kua gobbama yamme hetti mba renge ne hal, monno ngara kua bangsa ne wello kawana yamme aetawe, hidda kama dauta orona hidda pandege mba ne pawilli mba pawill patuluna Yalla ma. ¹⁷ Bahkan, hetti lodda-iya lodda, para pakalada Yehuda apa ngindina surata mangeda barra Tobia, monno Tobia kana walewi ngara surata hidda. ¹⁸ Mangeda ata ne'e Yehuda amakette orona ne aura denga na, Takka nya dona lasawana Sekhanya, ana na Arah, sedangkan na Yohanan, ana nai, nya adekenai ana na Mesulam, ana naBerekhya, kana minnewi. ¹⁹ Hidda dona Tekki kua duawana ne arro barra gu, monno apadukki patekkigu barra na. Bage, nya apangindi surata barragu tuba pama dauta dengngagu.