¹ orona ta'a netu, henene nja wali ngoko penghukum tangguna a toyo el anyi el Yesus Kristus dolo. ² orona,hukum Roh mopir el dolona Yesus Kristus dolli habebeh dangguku yoyo wali hukum dosa mono kmati. ³ orona, payaka papnjapa ngali pamu dekeya oro pahmalli danyi orona kabiya, Ambramba Allah dolli pndaha nanki patan ptumboni a Ana mangu wuna tanaka kabalingo mere dengeni to piya el berdosa mono madughu dengeni a dosa, ndiya el hukum niki dosa el lakbi dolo, ⁴ tanaka tuntut toyo hukum taurat apanuyaka el yicca el njana mopiro monotoyo akbi, tapi monotoyo Roh. ⁵ orona ndiya el mopiri monotoyo akbiya,pangadani el laphadda kabingo, tapi ndiyo el mopiro monotoyo Roh, lapngadani el laphadda Roh. ⁶ orona apngadanga paoroni apngadammu lahdapango lakbiya didoyaka akmati, tapi apngadanga paoroni lahdapango el Roh didoyaka a mopir mono damai sejahtera. ⁷ orona apngdanga lahdapango lakbiya ngabani Abramba Allah ; orona ndiya njana ktanggungu lahdapango hukum Bramba Allah, bahkan njana ngali dekeya. ⁸ mono, ndiya el mopir el lakbiya dolo njana ngali gheneya el lam Bramba Allah. ⁹ tapi dimoko ebbe hewalina, yoyo indi mopir el lakbiya dolo, tapi el Roh dolo nebbe Roh Bramba Allah memeyaka el doyyo el yoyo. orona, nebbe mbah toyo el njana ngali Roh Kristus, ndiya indi dou walinanyi. ¹⁰ tapi dimoko, pongo wemu apol tommu mbana mati oro dosa, tapi a Roh mopir oro ghenene. ¹¹ domoko,nebbe ndiyaka a Roh el lapkeddeya Ambramba Yesus wali lakmatina doyyo el dolomu, Ndiya lapkeddeya Yesus Kristus wali lakmati waddinael wonyi mopiro apol tommu el fana monotoyo a Roh el doyyo el dolomu yo. ¹² dikki, dughu diccongu,yicca doyaka a toyo el utu, tapi indidiya lahdapango lakbiya, tanaka mopir monotoyo akbiya. ¹³ orona, yoyo nebbe mopiro monotoyaka akbiya, yoyo eng matimuku, tapi nebbe oro Roh yaka yoyo mbuh matiyaka a hadda pol tommu, yoyo eng mopir muku. ¹⁴ orona, ngarra atoyo papdanganga oro Roh Bramba Allah didoyaka anana a Bramba Allah. ¹⁵ orona, yoyo indi himbaya a roh paata waddi el laporo dengeni akbohi, tapi yoyo dolli himbayaka a Roh el keketungu yoyo kabalingo anana Abramba Allah,el monotoyo a Roh ta'a netu berseru, '' Abba , mbapa!" ¹⁶ Roh mangu wuna ta'a netu el hakhi dengeniki roh yicca bahwa yicca doyaka anana Ambramba Allah, ¹⁷ mono ebbe yicca doyaka anana, yicca waddoyaka el heluya, aheluya Ambramba Allah, mono ole helu dengeni Kristus; yicca ebbe hepindi pangunaka ole kri dengeni Ndiya, yicca waddi enge mulia dandakka ole dengeni Ndiya. ¹⁸ orona,yaya angga bahwa akriya ebbe henya nene ayiya njana ngali hamende dengeni kemuliaan papnyatada lahdapango el yicca. ¹⁹ orona, ngarra papdadimu amangga-mangga dengeniki amanoworodo ebbe pnyatani anana Amramba Allah. ²⁰ orona, ngarra papdadina dolli katanggudaka lahdapango kesia-siaan, indi monotoyo pahbe ati manguwuna, tapi monotoyo pahbe atina Ndiya menaklukannya, el pannu dahar monongo, ²¹ tanaka ngarra papdadina ta'a netu mangu wuyu he merdekeyaka wali pap atanga hangga el kemerdekaan anana Ambramba Allah el bannu kemuliaan. ²² orona yicca pegheni bahwa ngarra papdadina brandakka mengerang mono kri haddu pa'ana dukingi henene. ²³ mono indi diwamniki ayiyi, tapi yicca mangu wuyu waddi el himbaya awu uluna a Roh el mengerang el polto mangu wuda yicca, sambil mangani pahkotadani hengo ana, didoyaka penebusan poltodda yicca. ²⁴ orona, yicca pahlamat todda pahmon dolong. tapi dimoko, pahmonono papicca indi diwalika pahmonongo, orona ngarani el monongo sesuatu papiccana? ²⁵ tapi dimoko,yicca mbata mononiki payaka papnjapa iccanda yicca, manggani dikki atehenini. ²⁶ hewaddunaka, a Roh el tulupondo yicca el lahmallind yicca; orona yicca njata pegheni pene el henya yicca mbata hambayanga, tapi a Roh mangu wuyu el bersafaat lummundu yicca dikki erang-erangan emjapa takki. ²⁷ mono, Ndiya el lahlidikkoyo ati pegheni payaka a kambu atina a Roh ta'a netu, orona Ndiya bersafaat tangguna a to bihha monotoyo pahbenya Ambramba Allah. ²⁸ mono, yicca pegheni bahwa ngarra papghili kehenda papndaha dengenani atoyo el lamnoworoni Ambramba Allah, didoyaka ngarra ndiya pakwulongo monotoyo papkambu atina Ambramba Allah. ²⁹ orona, ngarra ndiya pap dolli peghena wali akwungana tanaka kabalingo hrupa dengeni a gomboron a anana, tanaka ndiya kabalingo kawukku wali dangada a dungu kambuna. ³⁰ ngarra ndiya pap takkida wali akwungana, didokka pakwulongo; mono ndiya pakwulana, apghananiki; mono ndiya papghanada, didokka pah mulia da. ³¹ dikki, payaka pap eng takki dakka tutuna ngara ayiya? Ambramba Allah enggen el mbaranda yicca, nggaraniki el nggabanda yicca? ³² Ndiya el njana manoworoni Ana mangu wuna, tapi pahraka nanki tangguna yicca ngara kehe, pena pata dadina Diya mbanna brengdengeni Diya jawonni anetu tanguna yicca? ³³ Ngaraniki el lapdonani a toyo pahpedene a Ambramba Allah? Ambramba Allah lapgheneni diyo. ³⁴ ngaraniki el wongo hukuman? Yesus Kristus el dolli mati naka, bahkan el dolli kedena wali el matina,lodo lakraha kawanana Bramba Allah tanaka bersafaat tanguna yicca. ³⁵ Ngaraniki el laphegheda yicca wali lamnowrono a Kristus? ndiko aphahanga, ato ahuha, ato apakrighu, ato malungu, ato paklolonghu, ato mruhongo, ato lakina? ³⁶ Hedunaka el enyi lam turoho, "Tutum Yoyo, yamma ainggamaka el kriya el njanga dukkana; yamma apngadagamaka hengo bembe epap propo." ³⁷ Tapdimoko, el barana ngara kehena ayiyo, yicca rehi walli to tolo oro diya lamnoworondo yicca. ³⁸ Orona, yaya amonongaka bahwa indi kmatiya ato mopiro, indi diwadiya malaikat-malaikat ato pembrenta-pemrenta, in diwadiya tutunu henene ato el emminyi, akkuaha, ³⁹ indi wadiya el enyi el dodeta ato el dowawa,ato papndaha hekena, mampu pheghehi yicca walli lamnoworono Ambramba Allah, el enyi el Yesus Kristus, Morind yicca.