¹ bakku lolede gumi, pahbenya ati gu mono ahambayanggu el barana a Bramba Alla tanaka yemmi didoyaka tanaka yemmi ahmopir gim. ² oronaka, yaya ngali hakhiya tutuna diyo bahwa diyo lahghadda lahdapango elam Bramba Alla, tapi njana gheneni el peghe el ghana. ³ oronaka, diyo nja pegheni a ghenene Ambramba Alla mono a wuhuni pndedeya a gheneda dimanguwu, diyo nja ktanggungu lahdapango el ghanan Ambramba Alla. ⁴ orona, a Kristus didoyaka a banuna hukum taurat el lakbalingo ghana ngara atoyo el wanyi. ⁵ Musa el turoho yaka tutuna a ghene wali el hukum taurat, bahwa a toyo lapghilini aghene el monotoyo a hukum el mopiroko oron. ⁶ tapi dimoko, a ghene el wali enya el ati wajja lapneghe henyaka, "amba peneghe amngoko el ati dolomu, garaniki el detengo el Surga? artina,tanaka ngandiya Kristus buru. ⁷ ato ngaraniki el buru el lakhobba kmati? Kristus detengo wali el to mati ⁸ tapi dimoko, payaka pap takina? "a linya anyi el baramu, didoyaka el ghobbamu mono el ati dolomu." didoyaka paptakina ati wango papdukkima yamma. ⁹ dikki ebbe diyaka a ghobamu yoyo lapnandini bahwa ebbe didoyaka Bramba Yesus Morind yicca, mono yaya ku wanyi el ati dolo gu bahwa Bramba Alla lapkedeyaka Diya wali el to mati, toyo lakbalingoko mopir. ¹⁰ orona ati, a toyo kabalingo wanyi moko lapoleng ghana; mono dikki aghoba , a toyo lapnandini maka el kolengoko mopir. ¹¹ orona huroto bihha lapneghenge, " gara lolobaniki el wanyi Diya jahdakka bahmekeya." ¹² orona, njana pahekeng wali el to Yahudi mono to Yunani ; Mori lahwuyu didoyaka el panu ngara kehe, lapdukki-duking ngo a roto ngara a toyo lakwuloni Diya. ¹³ orona," ngara a toyo lakwuloni el ngarana Mori el lah ahamopiryaka." ¹⁵ mono, penewedakka a pata padukki danni, nebbe nja ptumbondi? hedunaka el anyi lamturoho: "pabangoko a ndahana hakbani diyo el emmini ngandiya lindaha!" ¹⁶ dimoko, indhe ngara kehena a toyo manganga lindaha didokka a oron a Nabi Yesaya lapneghenge, " Mori, ngaraniki el dolli wagu lahdapango a liya papdolli rongona wali el yamma?" ¹⁷ didokka, a ati wanja el hunda wali paprongondo, mono paprongondo wali el linya a Kristus. ¹⁸ tapi yaya kuklerenge, "pene a toyo ta'a netu nja rongo?" notong eng rongoda orona, "a linya diyo dukki ngara el panu tana, mono a penegheda diyo dukki el hupu tana." ¹⁹ dimoko, yaya ku takiyaka, " pene a bangsa Israel njana pegheni?" akwungana, Musa lapneghe ngoko, yaya kupkedeyaka aknorekmu lahdapango el diyo el indbangsa, mono lapkedeyaka abanina lahdapango el bangsa lakbanga." ²⁰ mono dikki a branina, a Yesaya lapneghe ngoko: " Yaya a tobokgaka oroda diyo nja kadabanga Yaya ; Yaya kuphundaniki a polto gu el barada diyo el njana klier ga tutu gu Yaya, ²¹ tapi dimoko, tutun a bangsa Israel Diya lapneghe ngoko, "padini a loddo Yaya bakku panokotin a limma gu lahdapango el bangsa el njana ktangguni mono laptarang."